-*الموضوع مش إنه الوجع والتفكير والخوف ما بيجوا غير بعد الساعة ١٢ ، الموضوع إنه السيارات بهاض الوقت وقفت، فالأزمة والزمامير انتهت، والتلفون اللي دوشنا طول اليوم بطل يرن، وولاد الحارة دَخَلوا الكرة عالبيت وناموا، والجيران اللي بفتحوا الشبابيك يهووا بيتهم وصوتهم بوصل عنا سكروهم، والغسالة اللي طول النهار شغالة وقفت، وبياعين الخضرا والغاز خلص دوامهم، والناس اللي بنحبهم ناموا .. وعيب نشغل أغاني بصوت عالي، وما بصير ناكل مشان أكل الليل مضر، وكل برامج التلفزيون بتكون معادة، والأفلام قديمة .. فما في حدا يشغلنا غير عقلنا ومشاعرنا اللي تجاهلناها بأزمة النهار. 🖤.