النهارده عدت سنتين علي وفاة جدتي الله يرحمها.. عدت سنتين علي نقطة السواد اللي غيرت كتير جدا ف حياتي اكتشفت وقتها اني ماشيه بس ببركة دعاها هي وماما لما غابت غاب عني جزأ كبير من راحة البال وبقيت تايهه حرفيا ف كل حاجه ف حياتي.. أنا مهما قولت مش هقدر اعبر عن حبها وقد ايه هي واحشاني 💔 ربنا يصبرني ويعوضني عن فقدك خير وتفضل دعوتك ليا مصبراني طول غيابك.. ربنا يرحمك برحمته ويسكنك الفردوس الأعلى يارب يا نور عيني 💔 سلاما علي روحك البيضاء وجعل الله قبرك روح وريحان وجنه ونعيم💔💔 سلامٌ عليكِ وأنتِ بقبرك اسأل الله الذي له مُلك السماوات والارض أن يجعلك من أهل الجنة مُبتسمة مُطمئنة في الفردوس الأعلى من الجنة وحشتيني وحشتيني اوووي والله فراقك صعب عليا💔💔
أسوأ حاجه حصلتلي الفترة دي إني خسرت شغفي ناحية كل حاجه في حياتي ، مبقاش عندي طاقه إني أتكلم مع أقرب الناس ليا ، مفيش طاقة إني اتناقش مع أي حد، مفيش طاقه إني اعاتب حد على حاجه عملها وزعلتني، مفيش حتى طاقة إني اعبر عن اللي جوايا ، وأي حد بيسألني مالك ؟ بقوله أنا كويسه وخلاص...
فى مشكلة .. انا لما حد بيقولي صباح الخير .. بقوله صباح الفل لكن لما حد بيقولى " صباح الفل " أجهزتي بتهنج ، وبدخل في دوامة مالهاش قاع ، لأني حاسه إني ماينفعش أرد بصباح الفل على صباح الفل ، ولو رديت بصباح الخير هيبقى شكلي رسمي ونمطي وبايخ .. و I can't pull off صباح القشطة وصباحه عسل والحاجات دي عشان آي آم نوت كوول إناف ، ف صباح الزفت على دماغ اى حد مبيقولش " صباح الخير " ❤️