بما اني قاعدة زهقانه هاخد رأيكوا في واحده من صحابي المقربين فيها عيب مش عارفه اتأقلم عليه هو انها بتختفي و ترجع بعد اسبوع ترد ع المسدجات عادي كأنها معملتش حاجه مع انها بتكون اونلاين عادي و بتنزل بوستس و بتعمل كده مع الكل ده طبعها يعني الا لو محتجاني في حاجه بلاقيها بترد ع طول فا لو مكاني هتعملوا ايه
دي مشكلة ف التواصل ما بينكم حلها من رأيي محتاج انك تقعدي معها وبلطف منها تفهميها إنتي محتاجة منها إيه كصديقة وإيه بيوجعك من تصرفاتها وإنك بتقوليلها دا حبا ورغبة انك تحافظي ع العلاقة ما بينكم...
عندي واحدة نفس المشكلة واتعودت على كدة وبقيت بطنشها بردو لو ماليش مزاج
حصل قبل كدا وأما ردت عليا مردتش خالص بعدها وبقالي حوالي سنتين مفتحتش الماسدج🥰🙈
هعاتبها كذا مرة لو مفيش تغير فخلاص هبدا مزعلش واريح دماغى ومش هتبقا فارقه بعد كدا
عاتبيها طالما هي مقربة ليكي
اعملي ليها بلوك
مش هخليها صاحبتي مع إني بختفي بالشهر ومبردش على صحابي بس بيبقي انعدام شغف بقي وحوارات الواحد بيكون بيتخانق مع دبان وشه
فكك منها ، أنتِ لو كنتِ مهمه عندها كانت ردت عليكِ عالطول أو في خلال اليوم علي الاقل .
اما تبعت ردي بعد اسبوع
انا بصراحه بعامل كل زي ما بيعاملني بالظبط
