والله العظيم بحاول اعمل اللي قولتيه .. بس مش بايدي ..
انا نفسي اعرف اقسم بالله ازاى مش بإيدك ، علشان انا واحدة بتعرف تتحكم في قلبها وعقلها سابق قرارات قلبها وبعرف اقول stop لنفسي دايماً .. المشكلة جواكِ انتِ لو اقنعتي نفسك انك بتتحكمي في نفسك وان الموضوع بإيدك هيبقي في إيدك ، انتي مبتمنعيش نفسك حتي مفيش صراع جواكِ تتعذبي معاه شويه وبعدين تقتنعي انك تقدرى ..! اولاً غضي بصرك ها ؟ ثانياً اسألي علشان دا سبب كافي جداً يخليكي تبعدى وساعتها اهو عقلك هيقولك stop ، ثالثاً البداية والله مش من عندك انتِ مينفعش تحبي واحد انتِ مش في دماغه اصلاً ، إلا لو البداية من عنده ساعتها هقولك ممكن . رابعاً اشغلي نفسك بأي حاجة مفيدة الحياة مش كلها ارتباط وحب ،انتِ اصلا لو اشتغلتي ع نفسك وفكتيك من الكلام دا هتلاقي ١٠٠ واحد بيتمنالك الرضا ترضي ..انتِ غاليه والله مينفعيش ترخصي نفسك حتي لو قدام نفسك نفسها "!
هو انا ليه دائما بحب رجالة متجوزين وبتعذب ؟ الموضوع ده حصل معايا حوالي 4 مرات والله انا ادمرت نفسيا بسبب كده حقيقي??
وانتي ليه تحبي اصلا وتبصي ع حاجة غيرك ..! ما تخليكي معززة مكرمة حافظة قلبك لا بتحاولي تقربي من دا ولا دا .. هتلاقي كذا حد بيخبط ع باب قلبك وانتي حرة تفتحي للي ترتاحيله . لكن اسلوب حياتك دا غلط ،مينفعش تبصي لحد وتبدأى البداية من عندك ، البداية دايماً من عندهم وانتي ليكي حرية القبول او الرفض !