أرجو ألا تسرقَ الحياةُ مِنكَ لمعة عينيك هذه وأنت تتحدثُ عن طموحاتِك وأحلامك بِحماسةٍ، ألا تُعاني مِن فقدانِ الشغف والاكتئاب الحاد والفتور والانتكاسات ، ألا تعودَ يومًا مِن مدرستك أو جامعتك أو عَملك تتمنى فقط أن يتوقف كُل شيء.
اها ربنا يعينك ويهون عليك ويشرح صدرك عن قريب بس مش هقولك تستغفر وتصلي وتقرب من ربنا والكلام اللي كل الناس بتقولهولنا دا ، الاكتئاب مالوش علاقه بالدين خالص وعادي جداً تكون ملتزم ومكتئب ،لان الاكتئاب والاضطرابات النفسية عامة بيجي عبارة عن خلل في كيميا الدماغ هرمونات معينة بتنقص ممكن يكون الموضوع وراثي وممكن نتيجه ضغط الحياة او صدمات نفسيه وصلتك للحالة دي ، او معاناه من ضغوط الاهل والصحاب والدراسه والمجتمع الزفت دا بص بما اني في التجربة دي في الوقت الحالي مفيش حل غير انك تلجأ لمختص يساعدك مش هتعرف تساعد نفسك لوحدها ولا حد يساعدك ، وبما ان جلسات العلاج النفسي دلوقتي اسعارها عاليه توصل ل١٥٠ و ٢٠٠ جنيه ، فـ شوف اقرب مستشفى حكومي امراض نفسيه وإدمان واتفق مع دكتور كويس هناك ع مواعيد الجلسات ، الجلسه في المستشفى ب ١٠ جنيه في الاسبوع سعر زاهد جداً ، والدكتور هيديك جلسات معرفي سلوكي هتساعدك تحب نفسك وتفهمها وتفهم اللي حواليك وهتتقبل ذاتك وتتخطي الصدمات سواء كانت في الطفوله او من فترة قليله ، وهيكتبلك ع ادويه تلتزم عليها مع الجلسات تحسن كيميا المخ هيظهر مفعولها بعد اسبوعين ، والجلسات هتاخد معاك فترة يعلمك فيها تكنيكات معينه تساعدك ع الاسترخاء وع التعبير عن مشاعرك بسهوله من غير قيود ، حقيقي هتتحرر عن تجربه لازم تروح وتتصالح مع طفلك الداخلي لانه بيعاني وبيستنجد بيك تنقذه واستنجاده عبارة عن معاناه واكتئاب