انا في اخر سنة ومعنديش طاقه اذاكر 😥عندي فوق ال 30 محاضره محتاجين يتذاكروا ويتسمعواومش بنجز حاجه فيهم اليوم بيضيع في اللاشئ نفسي اجيب تقدير السنه دي بس انا مقصر بشكل كبير وفيه حاجات كل شويه تنغص عليا حياتي من ناس قريبين مني ..اعمل ايه وانظم يومي ازاي اغلب المحاضرات دلوقتي اونلاين وقاعد في البيت 😓💔
اخر سنة ومحبط؟ دا كلام بردو دا الواحد في اخر سنة كان بيذاكر بانشكاح وتفاؤل رهيب واعلي تقدير كان فيها ،،بسبب اني بذاكر وافكر في اللي هيحصل بعد ما اخلص تعليم ،افكر في اللي جاي والتحرر من القيود وافكر في المستقبل وحصاد تعبي ..مش منطق خالص حتي لو مشاكل الدنيا عندك متحرمش نفسك من الاحساس دا ! اولاً هتصحي الفجر وتذاكر لان كل البركة فيه ،، وتنام ع ١١ كدا وتيجي ايام تحرم نفسك من ساعتين نوم ولا تلاته كدا تخلص فيهم لا حاجة ،، كدا هتخلص بمعدل ٤ محاضرات في اليوم ولو حاجة صغيرة احشرها في النص ،، كل يوم هكذا مش هتكمل 5 ايام وكل دا يخلص ،، اهم حاجة تتفادى الاحباط دا مفيش حد بينجز وهو محبط
من حوالي شهر قطعت toxic relationship دامت سنين "متقطعة"
حاليا نفسيا أهدى شوية الحمد لله
الفكرة انه حاليا متقدملي حد مواصفاته كويسة لكني مش قادرة آخد الخطوة دي أو خايفة بمعنى أصح + إنه مش قابلة الشكل بس كمواصفات هو فيه كتير مميزات
حاسة إني مشتتة خايفة أرفض وتكون فرصة كويسة وخايفة أقبل وأنا لسه بحن💔
مفيش حاجة اسمها لسه بتحني او هتحني بعدين ،،نفسك الامارة بالسوء مش هتسيبك هتفضل تهيألك انك بتحني وانه مكنش ينفع تاخدى الخطوة والي آخره ،لو مشيتي ورا نفسك كدا هتفضلي تحني لأي كلب معدى في الشارع ..مفيش حل غير انك تتجاهلي اي احساس او كلام جواكي تقطعي التفكير في اي حاجة تخص الموضوع دا ،، تتجرأي وتاخدى الخطوة وتسيبيها ع الله هتلاقي كل الخير والعوض والشخص دا قاطعين عليكي طريق الشك والحيرة ،،توكلي ع الله وخدى الخطوة