#ترندات

😁😁😁

---

مش واقف على الحياد ولا حاجة، اللي متابع هيخرج من إجابات هنا وبوستات كل فترة ع الفيسبوك بإجابات لأي حاجة أنا عادة بتكلم فيها من قبل الفترة اللي انت بتسميها بداية الحياد وأنا بسميها وقف حرق البنزين، لو ملقاش حاجة في موضوع معين هيكون موضوع أنا من البداية ما بتكلمش فيه..

---

ليه بدأت فترة وقف حرق البنزين؟

---

من ناحية حسيت إني بخروج كتاب ما بعد السلفية حطيت خلاصة كل اللي عاوز أقوله في كتب ومنشورات متاحة للناس كلها..
ومن منتصف ٢٠١٥ سنة خروج الكتاب لمنتصف ٢٠١٧ كانت فترة أنتخة وراحة واستعادة لبعض الهوايات والاهتمامات القديمة وفي الفترة دي خرج كتابنا التحيز الذي هو في نظري من أهم كتب النقد الفقهي على الإطلاق..
بعدين مريت بمحنة عظيمة لها وجوه مختلفة من منتصف ٢٠١٧ لمنتصف ٢٠١٨ وبعدها اتضح لي إني محتاج أوقف حرق بنزين وأبدأ أشتغل بالتدريج هلى باقي مساحات المعرفة والثقافة عشان أكمل مشروعي المتعلق بالتكامل الثقافي واللي حسيت إن حرق البنزين هيخليني زي ناس كتير عايش جوا دوامات متكررة من المقولات والصراعات..

---

حاليًا أنا شغال على الموضوعات المعرفية والفكرية في نطاقي الخاص ونطاق برنامج الثقافة المتكاملة..
وعلى الخط النفسي الاجتماعي التعليمي هنا وفي الدورات..
وعلى خط تاريخي في دراستي الخاصة..
وخطوط معرفية وثقافية مع زملاء آخرين..

---

ومش مستعد أعيش ترندات وصراعات ودوامات هي تنويعات على نفس الأخطاء التي رصدتها في كتبي المذكورة..

---

شكرًا لسؤالك اللي حظه حلو لأني كنت لسا صاحي من النوم وفايق وإلا غالبا مكنتش هجاوبه 😄

View more