موضوعنا ❇️ التربية ❇️ في مثل يقول المتربي من ربي 🙁 ، وفي من يقول ورا كل شخص مش كويس تربية سيئة ، وفي من يقول حتى الصداقات والضغوطات الحياتية ليها دور وحتى المجتمع والمحيط متاعه ليه دور ، مش كل شئ الأب والأم ، أنت/ي ماقولك ❔
امتى نرجعو بس زي زمان كلنا شعبآ واحد وقلب واحد ♥️ ، مانعرفوش الفتنة 💔
، اللهم اجمع شملنا وألف بين قلوبنا ووحد صفوفنا، نسألك يا رب العرش العظيم أن تخرج الفتنة من بيننا وتسلم أهلنا وتحفظ شبابنا وتحقن دمائنا وتحفظ بلادنا من كل سؤ يا مجيب💙 # ربي يرحمكم شباب بلادي 🤲♥️
عندنا مع فقرة الأسئلة الغبية 🙁
، السؤال يقول ضع كل كلمة من الكلمات الاتية في جملة مش شرط تكون مفيدة عاتي حتى سوسن 😂😂😒 ماعلينا الكلمات هي بليز _ زون _ مزيتة ، وكان ماعندكش خلفية ع الموضوع أعطينا فائدة من فوائد الماء 💦 قصدي مش ديما رسميات خليك مرة مرة تافه ح تحس ب السعادة 😂😂 ربي يحفظكم 🖤
سيأتي دور أيامك الرائعة وأحلامك المدهشة احتضن ظنونك العظيمة لن تنتظر طويلاً هذا وعد من الله ، عش متعة الترقب ✨ ربما تبدأ اليوم وربما غدًا بإذن الله ❤️ شاركنا ب أخر شئ فرح قلبك 💖 🎼
أنا أؤمن جدًا بالإرتباط الروحي بين شخصين وبأن نغزة القلب المفاجئة تلك تعني انه حتمًا هناك شئ حدث ، وأن الأرواح تتخاطر رغم بعد المسافات لأنه يوجد قلب يشعر بك وبما تشعر هكذا سبحان الله ، وأبسط مثال الأم ♥️ حفظها الله ، وربي يرحم كل أم وأب تحت الثراب 🤲 ، هل تؤمن ب الإرتباط الروحي❔تحدث عن شخصك هذا 🖤
عجبآ منهم 🤦♂️ في نوع من الناس مش عارف كيف بتتفاهم معاهم نوعهم حقودي قصدي علاش وقت دجي تخالفه في رأيه او تعارضه ع شئ هو يبيه او يشبح فيه من زاويته صح رغم انه غلط وممكن يعود عليه حتى ب الضرر والخطر طول من بعده ياخد منك موقف يحطك في القائمة السوداء ❌ ويبدأ يعامل فيك انك عدو ليه ، عندكم منه النوع هذا ❔
عادي ضيعوا بين مسلسلاتكم أغانيكم حياتكم اليومية وأستريحو حتى في نومكم لكن ردو بالكم اضيعوا بين شهواتك وملهياتكم راكم تنسو صلاتكم والله ماني شيخ جامع ولا إمام بس مرة مرة الواحد لا زم من رسالة زي هيا تجيه تمس بقلبه موقف وياخد منها عبرة ، نتمنى ماتقلتش عليكم حفظكم الله ورعاكم 🖤🤲
اصعب سؤال يسأله ليك اي شخص وانت متضايق هو شني مضايقك؟ هنا تعجز عن الإجابة لان الي مضايقك اشياء تافهة وبسيطة و ماتنوصف ولا تقدر تحكي عليها وبتاخدها من قصيرها ب كلمة ، شئ 💔 ، إحكي لنا ع موقف كان قاسي وصعب في نظرك وقت صار بس بعد مدة إكتشفت إنه تافه وقعدة تتفكر فيه وتضحك 😏🔥
تقدر تفوز بمحبة الناس بأشياء بسيطه جدآ وعادية زي كلامك الحلو معاهم ، أو أنك تحسسهم بأنهم أشخاص طيبين وعندهم قيمة في حياتك عادي مرة مرة كان بتدوي من قلبك والله موضوع التصنع ماهو باهي وصرف طاقة ع الفاضي جمعتكم طيبة ولمتكم منظمة ✨👌
في نوع من الناس تلقى ديما صبرهم طويل مرات تحس ب أن عندهم نوع من اللامبالاة ، مرات تلوم عليك ومرات تفوت تلقاهم صح طيبين ومتع مواقف وينحطو ع الجرح يبرا ، لكن وقت يفيض الكيل ويتم الصبر ، يطلعو شوية كلمات والكلمات هيا تكون قاطعة وسم بكل معنى الكلمة 💔🔥 وجهة نظرك فيهم ❗وهل انت/ي منهم ❔