- Don't fall for girls Fall for goals and girls will fall for you - No money no honey ✋😎 - No pain no gain - The most important thing is to keep the most important thing the most important thing 😌 - One of these days is none of these days - i want to be the person you're scared to lose - your comfort zone will kill you - U only see your stars when it gets dark انا بقول كفاية كده 😂😂😂
هى ٣ ثانوى اصعب من ٢ ثانوى وهل المنهج كبير اوى والى جاب مجموع عالى كان بيزاكر كتير اوى وكان بيعمل ايه علشان ميزهقش من المزاكره طول ال١٠ شهور
تالته ثانوى اسهل سنة هتعدى عليك من حيث المذاكرة منهجها نفس الكم بتاع تانية واقل من منهج اولى وبتذاكرها ع عشر شهور يعنى اللى هو انت بتذاكر المنهج وتراجع مره واتنين وتلاتة ديه حاجه الحاجه التانية انك تعتبرها سنة عادية يعنى مش لازم اقعد اذاكر 15 او 16 ساعه عشان اجيب مجموع عالى ي عم اخرج واتفسح واعمل كل اللى نفسك فيه بس وقت ما هتقعد تذاكر افصل نفسك عن اللى حواليك وذاكر بجد لو ذاكرت ساعتين بتركيز هتبقى احسن بكتير من مذاكرة 16 ساعة ديه انت دماغك فيهم ف حتة تانية
حضرتك ذكى جدا ع فكره انك تلم فيزيا فى اسبوع ده انا اصحابى طالع عينهم فيها وييذاكروها من اول السنه جزاك الله خيرا .. وشكرا جدا لحضرتك حقيقى الكلام فرق معايا كتير ربنا يسعدك ويوفقك اكتر واكتر يا رب .
مش ذكى ولا حاجة اللى عنده هدف هيحققه لانه بيلغى كلمة مستحيل من قاموسه اساسا 😉 وف الجامعة هتلاقى اى حد بيلم المادة قبلها بيوم او اتنين 😂😂 ربنا يوفقك ويعينك باذن الله ❤
ممكن تحفيز لواحده فى الثانويه نفسيتها فى الطين وبتضيع .
بصي ي ستى لما كنت فى الثانوية العامة فضلت اخد درس رياضة مع واحد مكنش بيدى واجب اصلا وانا اخد الدرس واطلع يتمسح ومفتكرش فيه حاجه وزمايلى معايا بيحلو كتاب وااتنين وتلاتة العملية بدأت تلبخ معايا وعدى ست شهور وانا تقريبا ميح ف الرياضة والناس بتخلص منهج قولت مبدهاش بقا روحت مغير الدرس وروحت عند مدرس خلص جبر وتفاضل واستاتيكا يعنى تقريبا خلص الرياضة ومش فاضل غير حاجات بسيطة وانا ف الباقى بطيخ وبدات الدروس تقع منى ف الفيزيا والرياضة والخنقة بدات تكتر والحلم اللى كنت عايزه بدا يضيع منى ، جيت فى يوم قولتلهم ف البيت انا هقسم السنة امى بدأت تمشي مع رغبتى جه والدى وقالى لو هتخش تجارة انت مش هتقسم السنة 😃 وتقريبا الجملة ديه كانت اكتر جملة فاصلة فى مستقبلى سمعت الكلام وقولت اشطه هجيب تجارة والضغط اللى ف البيت اترفع من عليا وبقا ف ضغط تانى بينى وبين نفسي بقا بعد السنين ديه هضيع الحلم اللى كنت بحلم بيه جبت كتاب 100% رياضة وفضلت احل مع نفسي واشوف الاجابات واذاكر لنفسي ومرمط نفسي بصراحه الموضوع ده بالظبط كان ف شهر 3 يعنى باقى تلت شهور واخش امتحانات تركيزى ع الرياضة خلانى اهمل ف مواد وخصوصا الفيزيا جيت قبل الامتحانات بشهر وقسمت الشهر ده كان اسبوعين مراجعة ع المواد كلها واسبوع لميت فيه الفيزيا اللى كنت واقع فيها واسبوع للعربى انا مكنتش الفشيخ اللى دخل جاب 99 % لا بس اتحولت من واحد كان خلاص هيجيب 70 و 60 % لواحد جاب 95 % ودخلت هندسة من الحاجات اللى خلتنى ميأسش انى كنت شايف ف عيون ناس كتير الشماتة فيا وانا بقع 😊 والحمدلله الشماتة دي اتحولت لحسرة يوم النتيجة اعملى اللى عليكى واجتهدى لو لسه باقى قبل الامتحان يوم انتى تقدر تعملى اى حاجه 😃 كل اللى عليكى انك تحطى حلمك قدام عينك وتستعينى بالله وتتوكلى عليه وصدقينى طول ما انتى قريبه منه طريقك هيبقى سالك وسهل 😉 وربنا يفرحك انتى واهلك بمجموعك معلش طولت بس اندمجت شوية 😂😂