اها و القمر لما يبقى بدر برضو شكله بيبقى تحفه منور السماء كده
وياسلام لما تبقى الصحراء فاضية و اللى منورها بس القمر و النجوم :)) منظر تحفة :) فكرتينى بيومين حلوين عدوا :) يارتهم يرجعوا تانى :)
انا لما اكون مضايق ببص على حاجة بحبها اوى والاقينى فجأ بضحك و انسى الهموم ،، او ابدأ ادور من اول و جديد بحب يوم الجمعة مثلاً ،، محدش بيعرف ينكد عليا فيه ،، حاولى تدورى على حاجة كده هتلاقى كتير حوليكى بس انتِ دورى كويس هتتعبى بس هتلاقى
النجوم بتبسطني. و الهواء. بس السماء فاضية إنهاردة السحاب مغطي عليهم :)
المهم انِك تخرجى من الجو اللى انتِ عايشة فيه
تتكلمى مع حد ،، تتنططى ،، ترقصى ،، تغنى اى حاجة المهم انك متفضليش مضايقة ،، عيشى الحياة :))نصيحة بحالو اعمل انا كمان بيهل
بحاول .. و سايباها على الله :) شكراً على فكرة إنك جيت :) I appreciate it fe3lan
الادراك وحش بس لازم نتعلم ،، بس الثقة مش لازم نفقدها وإلا هنبقى عايشين فى غابة ،، لازم نبقى عايشين مع بعض و فى ثقة ،، الصديق الوفى من المستحيلات صحيح ،، بس هو موجود ولازم ندور عليه
صدقينى موجود لسه فى ناس بتحب الناس مش اكتر من كده ،، انا كمان مريتى بتجارب قد ايه يعنى انتِ محسسانى انك عندك 71 سنة :)) مثلاً ،، ده لسه بدرى قوى على التجارب لسه هنعيش و هنشوف :))
و أنا مش بقول إن عندي 71 سنة بس بقول إن الإدراك وحش جداً على قد ما هو حلو جداً بس :)
انا كنت فى نفس الحالة بتاعتك بالظبط و لسه مخفتش بقرب و بحرص شديد :) بس اكتشفت انى لازم ادور لأنى هتعب اكتر لو فضيلت ساكت ،، الضغوط بتزيد و محدش بيحس بيك ،، صدقينى الحل فى التدوير عن اى حد نحاول نثق فيه اكيد الدنيا موقفتش على الناس اللى حولينا و بس فى ناس تانية عايشة و جواها صدق :) و هيحفظوا السر
صدقني وهم " الصديق الحلو الأمور إللي مش هيستندل و لا يتخلى عنك " ده خلص عندي من زمان من زمان جداً أنا مريت بحاجات غريبة كثير حاجات غيرت في تفكيري و شخصيتي و إيماني بحاجات كثير و من الحاجات إللي إتغيرت إيماني بالشخص إللي بتتكلم عنه ده :) مش موجود !
الاستسسلام ضعف ،، و انتِ واضح من شخصيتك او من كلامك انِك مش بتحبى الضعف ،، ولا انا علشان كده لازم تتماسكى و تبدأى تبحثى عن حد جديد يساعدك فى المعركة علشان تقدروا تنتصروا :)
اللى بتقوليه ده ان اللى انتِ عايزه تحكى معاه فيه اللى مكفيه ده حصل معايا ،، و كنتن قافل على نفسى و مش بتكلم مع حد لغاية لما قررت اخرج عن صمتى ،، اتكلمى مع اللى بتثقى فيه و حاولى انتِ و هو /هى تشيولوا هموم بعض ،، او تدورى على صديق/ه جديد تثقى فيهو ده بيبقى صعب شوية بس مش مستحيل ،، انا لما دورت لاقيت
بس أنا نفسياً مش بقدر أشيّل حد هم أكثر من همه مهما كنت متأكدة إن الحد ده هيستحملني لغاية ما أرجع تمام جداً بفضل مش حابة أعمل كدة موضوع إني أدور على صديقـ/ـة جديد/ة صعب فعلاً جداً I don't easily open up for anyone ممكن حد أكون عارفاه طول عمري و أفضل مش بحكيله حاجات كثير عني مش عارفة الموضوع صعب شوية و ده إللي مضايقني إنه مش ليه حل .. على الأقل مش دلوقتي
الحب عموماً ،، بمعنى التعلق ،، التعلق بأى حاجة لما نحس انها بتضيع مننا بنبقى خايفين على كل حاجة و مش عارفين نفكر إلا فى الحاجة اللى هتضيع مننا دى و ازاى نقدر نحافظ عليها ،، علشان بنحبها
بالظبط أنا تعبت فعلاً من التفكير .. و في نفس الوقت مش قادرة أستسلم !