. من وعيت على الدنيا وانا اشوف امي فترة الضحى والعصر تجلس تخيط بيدها وبالماكينة اكياس مخدات وتطرزهم وشراشف وفساتين لي انا واخواتي ، وانبسط كثير لما تطلب من اخواتي يقربون الماكينة منها واحياناً يكون خالص زيت الماكينة وتطلب مني اجيب علبة جديدة من الخياط اللي بشارعنا ، وكنت اجننها الين تعطيني قطعة قماش ومرسوم عليها وردة وغصن او عصفور ، وتنضم لي الخيط بالإبرة واجلس احوس ومرة اعقد الخيط ومرة اغز الابرة بأصبعبي ، كانت امي مصممة زمانها لأن فساتيني انا واخواتي دايم مميزة فيها شرايط كريب وتُل ومخمل وأزرار ذهبية 😍، صارت اختي الكبيرة مثل امي ويمكن أفضل حتى أنه جارات امي كانو يجيبون اقمشتهم ويطلبون من اختي تخيط لهم ، طبعاً اختي ماتاخذ مقابل وكانت اسرع من امي ، مرت الأيام وتزوجت اختي وتركتنا وامي تعبت وماصارت تخيط الا للضرورة وباعت الماكينة 😭 ولو احد يسألني ايش هوايتي ؟ بقول الخياطة والتطريز لكن اهملت هالهواية ومانميتها ولاعطيتها من وقتي 😕