اكتر صفه بتحبيها فيكى
الحمدلله ربنا رزقنى بصفة بتخلق فى حياتى معانى كتيرة من امتنان وحب وراحة نفسية لو قضيت عمرى أشكر ربنا عليها مش هيوفى ، انى الحمدلله بقدر اتبسط بأى شىء ربنا بيمنحه ليا ، وبيكون فى نظرى أحلى حاجة وإن مكنش أكيد هو أحلى حاجة فى الدنيا ، عندى من الرضا النفسى الحمدلله اللى يغنينى عن كثير بيتكالب عليه الناس ، و لأني بطبعي شخص بينفر من الأضواء و كل ما هو لامع ، ليا تكوينى النفسى الهادئ اللي بيجذب ليه كل ما يشبه ، وبيكون عندى وبالنسبة ليا الدنيا وما فيها وبفرح كأنى طفلة عندها سبع سنين بتفاصيل ، يمكن محدش يلمحها أصلا و متشكلش الصورة النهائية فى حياتى للمواقف اللى الناس هتبوصلها من برا ولكن بالنسبة لى كل شئ ..
وأكثر ما يخلق فى قلبى ضيق المقارنة ، حرفيا بتسحب الأكسجين من حواليا ، فأتمنى من كل قلبى ، لكل الناس الخير ولكن أنا ك آيه مليش دعوة باللى معاهم واللى هما عاوزينه ، أنا مش هما و لا هما أنا ، و أتمنى من كل اللى تجمعنى بيه الحياة بعلاقة قوية أو ضعيفة انه ميقارنيش بيه و لا يقارن نفسه بيا مش لشئ غير ان ورقة كل حد مختلفة من كل اتجاه ، وحقيقي مفيش شىء بيكدر علي الانسان حياته قد المقارنة، وبيصغر كل عطايا ربنا ليه فى عينيه، ولو بقى عنده الدنيا وما فيها عمره ما هيكون راضى ، الروقان و الهدوء والرضا حرفيا هما كنز الرحلة فى الدنيا فأتمنى محدش يفرط بيهم بسهولة أبدا ، لأن تعويضهم مش سهل ❤
وأكثر ما يخلق فى قلبى ضيق المقارنة ، حرفيا بتسحب الأكسجين من حواليا ، فأتمنى من كل قلبى ، لكل الناس الخير ولكن أنا ك آيه مليش دعوة باللى معاهم واللى هما عاوزينه ، أنا مش هما و لا هما أنا ، و أتمنى من كل اللى تجمعنى بيه الحياة بعلاقة قوية أو ضعيفة انه ميقارنيش بيه و لا يقارن نفسه بيا مش لشئ غير ان ورقة كل حد مختلفة من كل اتجاه ، وحقيقي مفيش شىء بيكدر علي الانسان حياته قد المقارنة، وبيصغر كل عطايا ربنا ليه فى عينيه، ولو بقى عنده الدنيا وما فيها عمره ما هيكون راضى ، الروقان و الهدوء والرضا حرفيا هما كنز الرحلة فى الدنيا فأتمنى محدش يفرط بيهم بسهولة أبدا ، لأن تعويضهم مش سهل ❤
