شريك عمري المستقبلي قبلة حب وبعدها نتفق على أشياء بينا مابدي تغير طبعك وتصرفاتك كرمال ترضيني ، أنا بتقبلك كيف ما كنت وبحبك تكون على طبيعتك ، صح بدي شوية وقت لافهمك بس راح افهمك واتقبلك ما بدي نتعدى على خصوصيات بعض ونمحيها ، خلي كل واحد منا عندو جزء خاص ، بس فينا نتشارك فيه متل ما هو بدون تغير ، ما بدي تخاف تشوفني إذا ما كنت بكامل أناقتك او إذا في بوجهك حبة ، بدي شوفك بكل حالاتك وحبك بكل حالاتك لأنك بكل حالة مميز عندي ، مسموح تنكد ، تعصب ، تسب ، تكسر بس بشرط تكون معي وكون محتويك ، اكيد راح نتزاعل ببعض المواقف بس مافي انام زعلانيين ، قبل ما انام بننسى الزعل وبنحكي عادي كأنو ما صار شي والصبح فينا نخرب الدنيا ، الكبرياء والتفرقة والكذب ممنوعيين مهما كان الموقف ، مسموح بأي وقت ترنلي وراح أترك كلشي بأيدي لرد عليك، ما بدي امسح شخصيتك وبهمني تكون شي مهم بالمجتمع أن كان بالدراسة أو العمل أو التطوع ، تأكد أني راح أفرح لنجاحك وشاركك فيه ، بحبك ، بكل مرحبا ، بكل باي بكل حرف ، بحبك ، ما راح طول عليك بس كل ما خطر عبالي أحكيلك شي راح اكتبلك .💙🤍