-

April 30, 2023

بحكم فترة شغلي و خبرتي القليلة ف شغلي ف الحضانات اتكعبلت ف كذا حالة تعبان و الاهل بيقصرو معاها ساعات كتبر لضيق مادي و خاصة لو بنت و ساعات بيبقي فيه فلوس و بياخدوها عشان بنت !! انا ببقي عاوز اطلع ميتينهم و كمية غضبي عليهم .. الحمدلله علي قضاء ربنا يعني بس لو كان ليا امنية ف كانت ان محمد يجيب بنت او بنت عندي بس ربنا رزقه بولد و رزقها بولد و الاتنين واخدين قلبي خد و هات كده .. بس حقيقي يعني كان نفسي ف بنوتة صغيرة اسخف عليها .. مش عارف ليه لسا فيه تفكير كده حقيقي يعني

-

February 04, 2023

كنت عاوز اشوف حد مشوفتوش من زمان كلمته من فترة ردوده كانت جافة ومعجبتنيش محاولش يكلمني بعدها كلمته تاني و اتفقنا علي مناسبة بس منفعش مقدرتش اروح و كده .. كنت هرجع انهردا مخصوص عشانه بس انا عارف انه مش هيبقي فاضيلي و الموضوع مش ورث ات بصراحة اني ادوس علي نفسي و ارجع المشوار ده كله بعد ملسا راجع منه بطلوع الروح و ف الاخر يسيبني لاسباب اخري او يقعد معايا مممتعض و هو فايته شئ احسن .. الواحد بقي زيرو حياة اجتماعية انا مبحبش اعيش لوحدي دماغي بتسوحني ببقي عادي مش بتضرر بس مبرتاحش انهردا انا مش نايم و تعبان و محتاج انام و صايم مش لاقي حد اتغدا او افطر معاه ! مش عايز افطر لوحدي اللقمة مبيبقالهاش طعم ..

-

January 26, 2023

ف بداية الامتياز و لحد مرور ٥ شهور او اكثر يعني اللي هو الفترة اللي بدات فيها الشغل كنت زعلان عشان مش لاقي شغل او مش بيجيلي فرص ف شغل و كده .. دلوقتي ربنا كرمني و بشتغل صحيح علي ادي و مبيجيليش شغل كتير بس الحمدلله يعني بعد مبقيت اشتغل يوم ولا اتنين ف الاسبوع و انا عندي احاسيس متضاربة كتير اوي بين اني ببقي عامل زي العيال الصغيرة اللي بتعيط و تدبدب ف الارض و هي رايحة المدرسة و مش عايز اروح الشغل و بين اني بقيت الاسبوع اللي مش بشتغله ببقي قاعد زي البتاعة مش لاقي حاجة اعملها و كان الحياة واقفة و الواحد كان ناسي بيعمل ايه ف حياته بين انه مش عايز يشتغل و يرهق وهو مش مسئول و بين انه لازم يشتغل عشان يقدر يجيب فلوس و يبقي حتي مسئول عن نفسه !! الوضع حقيقي الانسان غريب جدا ..

اسم بنت يا جماعه بحرف ت 🙂

December 31, 2022

تحية .. تفيدة .. تغريد .. تسنيم

-

November 17, 2022

بقعد كل فترة اقلب ف الشات و اقعد افكر تفكير يا تري لو اختفيت حد هيهتم يعرف انا فين بس الحقيقة يعني اني متاكد ان محدش هيهتم كله هتلهيه الحياة اما ببقي مشغول مثلا ف حاجة او ف شغل و مبفتحش واتس كتير غير لمسجات و جروبات ليها علاقة باللي ف ايدي محدش بيبعت فيه ناس بعزو عليا يعني اكتر من مرة اخش اسال عنهم و محدش بيسال عني دي مش افورة الوحيد اللي الشات بيني وبينه مبيقفش تقريبا هو خالد صحيح كله شات ميمز او بوستات او هتيجي امتي هننزل امتي هنعمل ايه بتعمل ايه بس حقيقي برا مثلا الشغل او حاجة ليها علاقة بيه مفيش مسجات شخصية انا مش بتضرر م الموضوع ده بصراحة الا الوقت اللي ببقي فيه لوحدي و بفكر كتير و بحاول اهرب م المشاكل اللي ف حياتي بالتفكير ف اي شئ اخر و بتيجي القصة بتاعة هل اما مؤثر ف حياة حد ! هل غيابي هياثر معتقدش مش بتكلم ع الموت لان عادي اكيد ناس هتزعل بس هل تركت اثر ؟ هل قدمت حاجة لاي حد !! معتقدش .. متلازمة طالب الطب انه مقصر دايما هتفضل ملازماني لحذ مموت اعتقد ! حقيقي بعني الواحد ف ضيقة و حاسس باقصي درجات العجز و مش عارف يبص لمستقبله و لا يمشي خطوة لقدام ! الوضع دمه تقيل وسخف بصراحة .. انا مش عايز حاجة من حد ولا حد يسال و كده بس ساعات بتبقي محتاج حد يهتم ده طبيعي يعني و خاصة مع وجرد مشاكل و ضغط .. الفكرة ان الواحد معندوش لسا اي مسؤوليات م حاسس بالاحباط و كاره حياته !! حقيقي الواحد مش عارف يكمل ازاي ع الوضع ده ربنا يكرمنا و يحلها و يوسع رزقنا و يفرج الكرب

-

August 25, 2022

عدي ٧ شهور ع التخرج ! و ٦ شهور عدو م الامتياز .. ٦ شهور مخدتش قرار و لا استقريت علي اي حاجة لا اتعلمت اي حاجة عدل ولا اشتغلت ولا عارف انا بنيل ايه ف دنيتي و مش عارف هفضل الف حوالين نفسي لامتي .. بس للامانة اتكعبلت ف كام موقف مش تمام من ناس كنت احسبهم قريبين انا عندي قناعة من اول يوم ان الشغل بيغير الناس و مكنتش مستني منهم حاجة حلوة بس توقعت للحظات ان الحداية ممكن تحدف كتاكيت ومحبتش اروح الف م الباب الخلفي .. انا مازلت مش عارف المشكلة و العيب فين و فين الغلط اللي عملته بس خليها علي الله يعني و زي متيجي تيجي هحاول اكمل سعيي او اشوف الغلط فين و احاول اشتغل عليه

-

March 31, 2022

انا اعشق الرغي زي عنيا و ممكن اكل دماغك و احكيلك قصة حكاياتي بس هصدعك بمواضيعي انا هحكيلك مواقف حصلت معايا حتي لو كلمتك عن شخص ف بحكيلك مواقفه معايا .. لاكن لا بجيب سيرة فلان ولا علانة ولا فلانة و لا يخصني مين عمل و مين سوا ساعات الفضول بياكلني بس مبسعاش ف الحوار و بقتل فضولي .. م الاخر برغي ف اللي يخصني و يخصك لو حكتلي انتي ..

-

February 08, 2022

الحوار ده فكرني بالموقف اللي حصل من سنتين كده .. ممكن تبقي حاجة متضايقش حد او متستاهاش بس بالنسبالي انا تصرف مش لذيذ من نفس الشخص .. هو عمره مهيشوف انه مش صح للاسف .. فترة و تعدي علي خير باذن الله

-

February 01, 2022

فيه حوار او سؤال ما شاغل بالي اديله كام يوم هو ف شكل نقاش يعني .. بتخيله بيني و بين صديق مقرب اوي ليا نفسي اسالهوله و نتناقش ف اجابته بس اجابته ف حد ذاتها نفسها مقلقاني جدا جدا ..

Liked by: Fárøúk Elsawy

مش بتدخل اسبيسات زي زمان ليه

January 31, 2022

الفترة اللي فاتت كنت بمتحن و معظم الناس بطلت تعمل و اللي اتعملو اليومين اللي فاتو كنت برة البيت ملحقتهمش 😂😂💔

هو ممكن حد يبطل يكراش علي واحدة او ياخد خطوة لورا من ناحيتها علشان عرف ان صاحبه بيكراش عليها ؟ منغير ما يعرف هي استجابت ولا لا؟

January 31, 2022

اه ممكن و ممكن جدا .. اصل كلمة كراش دي زي مقولنا معناها اعجاب بيبقي ف الغالب اعجاب بالشكل ك أول خطوة ممكن فيما بعد الطباع متبقاش هي التصرفات مش هي و هكذا يعني .. ف معلش الحجات دي ممكن تعمل دروبات بين صحاب الناس في غني عنها و خاصة ان زي مقولت الموضوع كله اعجاب ممكن يومين و يروح لحاله وممكن ميروحش و ممكن ميحصلش نصيب ف مخسرش صحبي او مبوظش علاقتي بيه بحاجة ممكن متتمش و لو الشخص عارف م الاول ف غصب عنه المفروض يتراجع و ميفكرش فيها يعني

+ 2 💬 messages

read all

كلمني عن الحياة ما بعد التخرج⁦ 😶

January 31, 2022

😂😂😂 احلي حياة ❤️ الواحد لسا مش مصدق .. بس انا يومي ملخبط اليومين دول ف بحاول اريح نفسي عشان اشوف هعمل الحجات اللي ورايا ازاي ✌️

وليد هل الراجل لما بيحب بيبقا وفي فعلا؟ وامتى أصلا يحب؟

January 30, 2022

بقلق م الجدية بصراحة 😂😂💔 .. بس لو بيحب بجد هيبقي وفي .. بس للاسف يعني ساعات كتير الخيانة او ايا كان المسمي بتاعها بتبقي طبع ف الشخص ف مهما حب محدش هيملا عينه مش عارف واصلة ولا لا .. امتي يحب دي اعتقد احساس الموضوع بيبدأ باعجاب و تتشد للشخص بعد كده لو فيه تعامل او تقدر تشوف مواقف الشخص ده من قريب لو شديتك الموضوع بيبقي صعب التغلب عليه .. و فيه نوع تاني م الحب بيجي مع العشرة بعد ميكون فيه قبول كويس يعني .. مش هقدر اقول تجربتي او خبرتي و اعمل نفسي فيلسوف لاني موصلتش للمرحلة دي لا 🚶

-

January 27, 2022

انا مكنتش متخيل ان فيه حد ممكن يكون بيشوف الانسرز بتاعتي او بمعني اصح الحجات اللي بكتبها اماا اكون متضايق و مش عاوز اقول الكلام ده لحد او اني اكتبه قدام ناس كتير ف كنت باجي هنا .. لو اي حد اتضايق من كلامي او كلامي اثر عليه بالسلب ف انا حقيقي اسف ..

-

January 19, 2022

لحظة معرفش كنت منتظرها ولا لا مش عارف اجمع افكاري بس اللي متاكد منه انه اكيد كان هيبقي منتظرها معايا او اكتر مني ..عندي كتير اقوله بس مش عايز اهبل و كان نفسي فعلا يكون موجود و يعيش معايا اللحظات دي لاخرها بس قدر الله و ماشاء فعل و الحمدلله علي كل شئ ..

Liked by: Ahmed Moataz

بما ان لاقيت الاكونت بالصدفة عايزه اقولك ان دمك خفيف خالص تويتاتك بتظهرلي علي التايم لاين وكلها ظريفه وجميلة😂❤

October 24, 2021

شالله يخليكي 😂❤️

+ 1 💬 message

read all

✌️

June 10, 2021

دايما كان حلمي او طموحي اني اعيش عيشة كويسة ابقي شاطر ف مجالي ودلوقتي بقي اني ابقي دكتور شاطر اتجوز قرة عيني نخلف عيال نربيهم يبقي معايا اللي يعيشني و يعيش اهلي عيشة كريمة لحد مموت يعني عيشة تقليدية جدا بلغة واحد صحبي كونسيرفاتيف .. كل يوم الحلم ده بيتهد بطريقة او باخري بتكتشف الناس و المجتمع اللي انت هتطلعلهم بتشوف الناس و اذيتها مهما كنت ف الحيط بتشوف الحسد و الناس اللي مبتسبش حد ف حاله !! العيشة و اللي عايشينها ! كل يوم ازمة و مشكلة جديدة الوضع فيه غاية السوء والله ربنا يهون الامور ..

Liked by: Inas

ده كان مشروع خطوبة ولا ايه🙄

May 20, 2021

لا خالص 😂😂 ولاا ليها اي علاقة بالجنس الاخر .. بس اما قريت الكلام تاني لقيته يمشي ف سكة خطوبة برضه😅💔 كويس والله انه مش سكة خطوبة لا كنت هتضايق برضه 😅😅

ايه ي ويلو اخبارك ايه بعد اللقاح.. و تعبت ولا عدي لطيف؟

May 20, 2021

معلش والله الابليكيشن الغبي ده بيفضل يبعتلي اسئلة شوت اوت و حجات متخلفة و اسئلة بصيغة مؤنث ففقدت الامل ان حد يعرفني يبعتلي عليه فبفتحه كل مدة طويلة اسف بجد .. الحمدلله بخير تعبت شوية يومها بليل و تاني يوم صدعت بس كان محتمل و الحمدلله عدت علي خير يعني .. تسلم ..

-

April 02, 2021

ساعات بستغرب رد فعلي لما اسمع خبر معين بلاقي نفسي اتجمدت اللي هو مش عارف شعوري ناحية الخبر بحس دماغي فيها تضارب شديد وبتبتدي العاركة ف دماغي بقي يبني المفروض تحس كذا ليه محستش كذا مش عارف طب ليه حسيت كذا برضه مش عارف و نفضل ف الحوار ده شوية الموضوع اتكرر الفترة اللي فاتت لمساعي لخبر معين بدون هدف محدد يمكن المرادي فيه سيكة مبرر بسيط بس ده مبرر انا بعطيه لنفسي او بمعني اصح كنت واخد ف نفسي كقلب سيكا يعني ف اما الموضوع هبأ مرة واحد ايه ده فيه ايه 😂😂 .. الواحد دماغه مسوحاه الفترة دي اتمني الواحد يعيش اليومين اللي هيعيشهم ف سلام و يقضي ايامه علي خير مفيش حاجة مستاهلة يعني ..

-

January 14, 2021

"ابقي اسأل عليا عشان بيصعب عليا"
جملة واحد قالهالي بهزار وسط الكلام بس هي كانت جملة مقفاة يعني ف اتقالت كده يعني مش بالمعني الحرفي .. بس انا كمحنك فكرت فيها و علقت معايا جامد و قعدت افكر واشوف حالي و حزنت عليه .. كل فترة كده كنت بقلب ف الشات و ببعت اسال علي ناس او احاول اعيد الصلة اللي شبه انقطعت بناس من باب الود و الحب يعني ف حين اني ملقتش مقابل حرفيا انا محدش بيبعتلي الا ان كان بيسال علي حاجة .. يمكن عندي 3 بالعدد اللي بيكلموني منهم اتنين الشات بتاعنا عبارة عن يالا ببج و هكذا .. و الحد التاني ده يوما ما مش هيسال عليا .. و رغم محاولاتي الشديدة مع ناس كتير الا اني ملقتش الرد بالمقابل الموضوع مش بيضايقني او بيسببلي وحدة او كده مش بفكر فيه اوي بس اما اقعد فترة لا حد بيتصل او بيبعت او مثلا اكون عاوز اعطل نفسي عن المذاكرة باي حاجة الموضوع بيطرأ علي بالي و للامانة بيضايقني اوي اوي فوق مكنت اتخيل او اتوقع .. المشكلة اني بشك ف نفسي و ان فعلا العيب فيا او اني شخص ميتعاشرش او فعلا مش كويس مع اني مش مؤذي ولا مفيد لاي حد اعرفه ومش شايف اني استاهل كده م اللي حواليا بصراحة .. انا مش هحارب لوحدي .. يوما ما هنشغل بحاجة تلهيني عن زعلي عن اللي مفكروش فيا م الاساس.. اتمني يجي اللي يعوضني .. شعور الحزن و الدراما كوين المبالغ فيها بيضايقني اكتر ..

ما الذي تنتظره؟

January 12, 2021

الفرج

بيتزا ولا شاورما؟".

January 08, 2021

شاورما

ممكن تضحّي عشان تسعد غيرك؟

January 02, 2021

ممكن

علمي علوم ولا علمي رياضة وليه ؟

December 30, 2020

حسب اهتماماتك يعني و مستواك .. شايف نفسك حابب الرياضة و كويس فيها خشها شايف نفسك تفضل العلوم خش علمي و كذلك اختيارك للمجال اللي عايز تخشه فيها بعد يعني .. لو عاوز كليات طبية فشد حيلك لو مش فارقة و مش طالبة معاك هندسة و كده خش علمي علوم بحس فيها اوبشنز اكتر يعني 😅😅

Waleed Alaa

Nothing here yet