٩:٢٥
١٣/٤/٢٠٢٢
أنا هنا في المكان اللي اتمنيته وطول عمري بدعي بيه ؛طوال سنين حياتي لو ليا دعوة ثابتة هي اني ادخل كلية طب بنام واصحي ادعي ربنا يحرمني وادخل طب لغاية ما الحلم بقي حقيقة ويمكن من بعدها ليومنا هذا عمري ما دعيت اي دعوة بعدها …
فاضل علي امتحان ال CNS نص ساعة بالضبط ؛حواليا اكتر من ٥٠ بنت ما بين واحدة بتراجع وواحدة بتحكي عن حياتها وبلا بلا بلا
أنا بكتب ليه اقسم بالله ما اعرف 😂 ولا حتي في مغزي من كلامي بجد يعني
بس لقيتني مش لاقية حاجة اعملها ف قولت أشغل نفسي في أي حاجة في الفون
مش اعتراض والله علي اي حاجة ولا ناقمة علي النعمة بس أنا بجد ما بقيتش أجي الجامعة بقت واحدة من الأماكن المؤذية ليا ؛مكان بواجه فيه كم ناس مريضة محتاجة تتعالج وناس اهلها نسيت تربيها وما خفي كان أعظم
حتي كوني شخص في حاله مخلانيش أنجو من القرف ده
الحقيقي اني قولت فاكس كل حاجة وكل ده وهركز في دراستي واللي رايحة عشانه
بس مركزتش 😂 الكلية مؤخرًا موصلالي شعور I am not good enough وبصراحة اول مرة في حياتي احس الشعور ده
المشكلة ان بجد اكتر واحدة كانت واثقة في نفسها ومتأكده انها بجد لو حطت اي موضوع في دماغها هتحققه وحصل كتير
بس مؤخرًا حتي الثقة ديه راحت بس برضو مش مهم دلوقتي 👈👉
It’s too late احنا خلاص قبل الfinal 😂
اوكيه مش لاقيه حاجة تانيه اكتبها ولسه فاضل ٢٥ دقيقه 🙂

View more