انا فرحي قرب و خطيبي بيقولي لما تيجي تحجزي الفستان و الكوافير جيبي حاجات وسط عشان أنا مش حمل ادفع فلوس كتير ف حاجات زي دي و بصراحه دي حاجه زعلتني لانه مش عايز يفرحني ولا يعملي اللي انا عايزاه
بالعكس يا حبيبتي انت لازم تراعي ظروفه وتقدريها ، واوعي تكسريه قدام نفسه أو قدام أهلك ، هوني عليه ، واعملي المناسب❤️
يعني يروح يستلف ويبقي مديون عشان تلبسي فستان ساعتين وتحطي ميكب هيسيح منك أصلا في نص الفرح 👀اتقي الله
متولعي يا شيخه هوا انتوا بتحسوا بحاجه ..
.
اقولك نصيحه هتكبرك وتفضلي كبيره طول عمرك ومش هينسهالك طول عمره
قوليله ياعم هي ليله ومحدش هيكون مركز اوي وأهم حاجه اننا هنكون مع بعض وانا همشي علي قد الي معاك ومش بالغالي بالرضا انا راضيه علي اي حاجه وعلي قد قدك يا حبيبي انا موافقه باي حاجه خصوصا انها منك
فيه فرق بين انك تعملي اللي انتي عايزاه وانتي تدبسيه
احتفظ بحق الرد
الا احنا كشباب بنتجوز واحده كل همها الفرح و الميكب و الفستان و ده ولا انا بدور علي واحده تفتح معايا بيت و احسها خايفه عليا
متخليش المظاهر تكون مصدر سعادتك لانك دايما هتحسي ف حاجه ناقصه ومش هتشبعي
لو ابن حلال هيقدر وقفتك دي وهتبقي جميل محتفظ بيه ليكي
المفروض تراعى ظروفه من غير ما ينبهك هو مقالش متجبيش ولا اشطرت عليكى فى حاجة بس قالك هاتى حاجات فى المعقول ما انتى مش متجوزاه علشان يحققلك احلامك