هو الزواج من كتابية جائز وان كان الافضل ان تتزوجة من مسلمة ولكن كي تتزوج من كتابية لابد من توافر شروط 1- ان تكون محصنة وعفيفة فلا يجوز أن تتزوج من كتابية قد اقترفت الفاحشة 2- ان تكون كتابية يعني لازم تتاكد انها نصرانية او يهودية مش ملحدة مثلا 3- ان تضمن كامل السيطرة على اولادك حتى يتبعوا دين الام ويتبعوا الاسلام 4-انك تكون انت قوي الايمان حتى لاتنجر خلف معتقدها الباطل فتخسر خسرانا كبيراً
هو لو ربنا سلب مني نعمه ممكن يرجعهالي تاني ؟؟
انا عارفة قيمة نعم ربنا كلها عليا والله وكنت بحمده ليل نهار والحمدلله علي كل حال
هو ممكن النعمه تزول بالحسد ؟؟؟ غير الذنب طبعا
ليه انت شايف انها سلب وليه منقولش ربنا نجاك منها احنا دايما بنشوف السلب ع انه نقمة لكن لو بصينا له من بمنظور مختلف هندرك انه نعمة كبيرة يعني ربنا بيسلب مننا الحاجة علشان نعرف اننا كنا غلط فنرجع ونعدل من نفسنا ربنا بيسلب مننا الحاجة لانه عارف انها لو استمرت معنا هتضرنا تذكر دائما قول الله سبحانه وتعالى " ويدعوا الإنسان بالشر دعائه بالخير وكان الانسان عجولا" وقول النبي " ان ما أصابك لم يكن ليخطئك وما اخطئك لم يكن ليصيبك"
أختي متجوزة قريب وإحنا كنا قريبين جدا من بعض وحاسة من بعدها بفراغ جامد وكل م اشوف صورنا سوا أعيط وساعات بفكر هي مبسوطة في حياتها ولا لا واعيط حتى مش راضية أنزل من السكن واروح البيت حاسة هبقى لوحدي في البيت قولولي أتقبل إزاي أن ده شيء عادي وكان لازم يحصل لأنها وحشتني جدا🥺💔
اولا ربنا يسعدها ويزرقك انتي كمان بالزوج الصالح ثانيا فكرة ان وجود شخص في حياتك مالي عليكي الدنيا وفجأة يختفي مرة واحدة صعبة جدا وخصوصا لو كان الشخص دا اخ او حد قريب منك بس هي دي سنة الحياة + انها لاقدر الله محصلهاش حاجة دي اتزوجت عادي وممكن تتكلمي معاها ف التلفون او انك تزوريها والعكس برضوا اما بالنسبة لنقطة الفراغ ف حاولي تشغليه باي حاجة يعني اتكلمي م اصحابك او اخواتك اعملي اي حاجة تشغله لما تشتاقي لها اتصلي بيها ودردشي معاها انا بيحصل معايا كدا لما بيكون مسافر للجامعة وبسيب اهلي في البلد
هو طبيعي ان لو حد جاي يتقدملي وانا معرفوش
مامته تيجي الاول ف مقابلة لوحدها
عشان فكرة ان مامته جاية تعاين بضاعة مش طالع من دماغي
انتي لو شايفه نفسك بضاعة ف متزعليش من نظرة الناس ليكي محدش قال كدا هي معروفة ام العريس بتروح تشوف الدنيا هل البنت دي مخطوبه ولا حد متكلم عليها يعني زي ما تقول بتمهد الطريق لكن مش معاينه خالص