هي ماشية شايلة حاجات كتير ومش واخدة بالها وهو كان ماشي متعصب ..خبطوا في بعض ووقعت حاجتها هو بزعيق :مش تفتحي ولا هو مفيش نظر ؟!! هي بغضب : على فكرة انا كنت هعتذرلك ..بس انت متستاهلش هو : يعني انت اللي غلطانة ...وكمان بتغلطي هي : انا مش غلطانة لوحدي ..انت كمان خبط فيا ..طب انا شايلة حاجات كتير ومش واخدة بالي ..انت تخبط ليه ؟ ها؟ ها؟ ها؟ هو : ؟!!! وكانت هتمشي وتسيبه هو وقف قدامها : انا مش همشي من هنا الا لما تعتذري هي : خلاص خليك هنا لبكره راح هو شد منها كتاب كان معاها ورفعه فوق : مش هتاخديه الا لما تعتذري هي : ابو كده ...........يابني لو عاوز الكتاب مكنتش هتاخر عليك ..دا حتى بتاع مادة رخمة ولايق عليك ...بس دا بتاع صحبتي (وكانت بتقول كده وهي بتنط بتحاول تجيب الكتاب ) هو : انت بتعملي ايه مش هتطوليه اصلا هي : تعرف معاك حق انا كده مش هعرف اجيبه ...فهاته بالذوق هو : وكمان بتهددي ....طب لا ...(ورفع ايده لفوق اكتر ) هي : يا بن الحلال هاااااااااااااااااااااااااته هو : اعتذري هي : خلاص انت حر ....(وعملت نفسها ماشية ..وبعدين رجعت تاني وبكل قوتها فرررمت رجله ) هو : اااااااااااااه يا مجنونة ....(والكتاب وقع من ايده عشان مسك رجله بايده) هي (وهي بتاخد الكتاب ): ما قلنا نتعامل بالذوووووووق وتجيب الكتاب من سكات ..ولا هي الثقافة جات دلوقت ...اما عالم غريبة صحيح (وراحت هزت دماغها باستنكار ومشيت) هو ابتسم وهو شايفها بتمشي ونسي ايه اللي كان مضايقه صاحبتها : ايه يابنتي كل دا تأخير هي : اصلي خبطت في واد مز وانا جاية كنت عاوزة اديه في دماغه صاحبه : اتاخرت كده ليه يا عم : هو:اصلي خبطتني واحدة قمر لسانها اطول منها