-
احياناً بتمُر علينا أوقات👌 .. التلفون برن وإنت بتكون ما بدك ترد ف تكتفي تشوف الإسم و تكبس ع الكَبسه اللي توقف صوت الرنين .💔
احياناً توصلك رساله بس ما تفتحها وبتكتفي إنك تشوفها من برا و تسّكر التلفون .😟
احياناً تسمع حدا بنادي عليك وما ترد علي او تعمل حالك ما سمعت لحد ما تضطَر ترد بعد ما يناديلك ثاني مره .😖
احياناً هيك بتكون موجود بس مش موجود! الجسد والروح موجودين، بس العقل والقلب قرروا الإنسحاب والإنعزال عن كل اشي.. 😔زي كأنك ماخذ إجازه رسميه عن البَشر تماماً.🎼
يمكن كل هاد علشان الانسان فقد شَهيته ع الانخراط بالحياه علشان تعرض لخذلان وخيبات أمل كبيره او يمكن جوا الانسان شُحنات و طاقه سلبيه مش حابب يحكي فيها ولا يطلّعها لحدا😿 .. وعلى الأرجح بكون مقتنع حتى لو حكى وقال اللي جواته ما حدا رح يفهمها ف بيكتفي يخليها بينو وبين نفسه.. 😥
علشان هيك بننسحب كثير احياناً 🙁🙁.. بننسحب علشان نحاول نهرب من الواقع اللي عمّالوو"بزيد علينا الطين بلّه" ،😢 بننسحب علشان
بدنا نحس جواتنا كميّه كبيره من البُرود واللامبالاه وعدم الاهتمام.. وبننسحب علشان نعرف نعيش 💙 " .
#jehad
View more