لو سمحت يا دكتور جارنا عنده prostatic cancer
فلو فيه دكتور متخصص في الحالات دي ممكن ترشحه لانه فيه ناس بتقوله جراحه وفيه ناس بتقوله هرموني .. وشكرا
دكتور احمد الشال 👍
متعرفش فيديوهات نتعلم من خلالها نركب التيوب endotracheal intubation
يوتيوب مليااان
متعرفش دكتور جراحه عامه كويس فى المنصورة ؟
مفيش اكتر منهم ممكن ارشح د. احمد نجم
لو حد ديابيتك وهايبرتينسيف ودراعه كده فيه حتة وارمة عاملة زى كيس ومجمعة جواها سائل بس كبيرة ده ممكن يكون ايه وايه العلاج اللى ممكن ياخده ؟
ممكن حاجات كتير يعني differential diagnosis واسع Lipoma - abscess - cyst لازم كشف عند دكتور جراحة عامة
هى دورة مكافحة العدوى بشهادة معتمدة ليها مميزات للأطباء وبيكون ليها صلاحية لمدة معينة ولا لازم نجددها بعدها ولا لو اخدناها مرة مش بنحتاج ناخدها بعد كده؟
ممكن تنفع للي عايز يخش السلك الاداري والجودة في المستشفيات .. معنديش معلومات اكتر من كده
لو سمحت يادكتور ممكن ترشدنى ايه احسن الاقسام الاكاديميه للميلز لو ميل مستقر أنه ياخد اكاديمي بس محتار بينهم فلو ممكن تساعدني ؟
الاحسن تاخد قسم فيه فرصة لشغل كلينكال زيادة .. زي الباثولوجي والميكرو والبايوكيمستري
لو سمحت ممكن دكتور عيون شاطر ف المنصورة ؟
د. ايهاب نافع د. وليد ابو سمرة
ده يمشى حتى على النجاح فى كسب صفة جديدة او فى نجاح العلاقات ؟
هو هيساعد كتير طبعا .. بس الحاجات الاجتماعية دي والعلاقات بتحتاج قبول وتوافق الاول بعدين مجهود من الطرفين .. مهياش زي الاهداف المادية
لو سمحت يادكتور لو فيميل عندها ٣٥ سنة شايلة المرارة من ٦ سنين بالمنظار وفى من ساعتها وجع مكان العملية بس الجديد عندها دلوقتى انها حاليا من ١٥ يوم وهى كل ماتاكل بتحس بوجع جامد ف بطنها وغثيان ف ده ممكن يكون ايه ولو هتكشف تكشف تخصص ايه
اسف ع التأخير .. الف سلامة عليها .. المهم تكون بتدخل الحمام بشكل منتظم لو كده يبقى موضوع بسيط تكشف عند اي حد باطنة
هو لو حد اخد نيابة فى الإعلان الاول والنيابة دى كانت نازلة ثابتة ف الإعلان الاول بس ونازل منها ف الإعلان التانى بس مؤقت مش ثابت لو اللى اخد النيابة المؤقتة فى الإعلان التانى جايب أعلى من اللى أخدها ف الإعلان الاول كده مين فيهم اللى هيتثبت ف الاخر اللى اخدها ثابتة فى الإعلان الاول ولا اللى جايب أعلى؟
اللي قضى سنينه كاملة في النيابة قبل اعلان الوظيفة .. لو متساويين يبقى الاعلى في المجموع
لو سمحت يا دكتور تراكمي ٩٣يلحق جامعه ببوست؟
حسب المجاميع في الدفعة بتاعتك بس نظريا لو هقيسها على الدفعات القديمة يلحق اكيد
بقيت سينيورو بقيت بتحمل ضغوطات كتيرالاصغر مني بيكبروا وانا اللي شايله الشغل بحجة انهم لسه مايعرفوش واي غلطه تحصل ينادوني لاني السينيور مع انه ربنا يعلم متعاونه معاهم ازاي.مش عارفه اعمل ايه سنايري مكانوش بيعملوا معايا كده وكانوا بيروحوا بدري ومبيهمهومش تقف عليا حاله واتوتر وانا اللي كنت بشيل الشغل
حاجة كويسة انك مهتمة بشغلك و بتشيلي المسئولية بس في مرحلة لازم تعودي الجيل الاصغر منك انه يشيل المسئولية برضه لانه جاي دورهم ، تقفي جنبهم الاول بعدين تسيبيهم لوحدهم يتعاملو مع الحالات لاخرها ويتعلمو لو غلطو ويتعاقبو لو استهبلو او اهملو