-- لرفيقي الغائب : أعلم إنك لن تقرأ و لكن قد يحدث المستحيل و يغلبك الشوق و الفضول .... أفتقدك كثيراً افتقد ضحكاتنا و حديثنا المطول في اشياء تفاهه و فارغه و لكنها كانت بالنسبة لنا كأسرار عسكريه مهمه ❤️ أفتقد الأمان بأنني سأستيقظ علي رسالة صباحية تطمئن قلبي بأنك مازلت هنا بجواري و مازلت صديقي المقرب في يوم جديد😌 أفتقد نبرة صوتك عندما تلقبني بالباندا و تضيف إليها صيغه ملكيتك ❤️✨ أفتقد كل التفاصيل و أتمني أن تعود رغم معرفتي الكامله و يقيني بأنه لن يحدث 🙂🌸 و لكنني سأظل احدثك و اكتب لك عل المستحيل يحدث 😔❤️ "رسائل لن تصل رقم 1" --
إحساسي بالعجز و انا بخسر اعز و اقرب صاحب لقلبي و لروحي و مش في ايدي اني امنع دا أو أوقفه و إن كل محاولاتي للتمسك بيه مش كفايه .... إحساسي و انا بشوف كل الحب اللي في قلبه ليا يتحول لكره و غضب و إنه مش طايق حتي يسمع سيرتي أو يشوف حاجه تفكره بيا 🙂🙂 إحساس قد ايه حياتي فيها فجوة كبيره بفقدانه و إن الفجوة دي عمرها ما هتتملي ولا حد هيعرف يعوض وجوده و لا حد هيعرف يعالج غيابه و وجع فقدانه 🙂❤️ حقيقي دا الشعور الوحيد اللي عمري ما هنساه ولا اتخطاه مهما عشت و تخطيت كتير 🤝🙂❤️
-- فيه ملايكة بيدخلوا حياتنا علي هيئه بشر يقربوا مننا و يحرسونا و يدعولنا و يخافوا علينا من غير اي مقابل الناس دي بتبقي هدايا و نعمة من عند ربنا حقيقي و مبتعرفش قيمتهم غير لما يغيبوا و تحس بالفرق اللي في حياتك في وجودهم من عدمه ❤️😌 --
Just need to talk if u want to read ok if u won't no problems ❤️✨ : بقالي سنين كتير اوي هنا ع الاسك و عرفت منه ناس غاليين عليا اوي يمكن اقرب الناس ليا في حياتي عرفتهم من هنا من سنين ❤️ الاسك يعتبر مكاني المفضل بعد غياب فترات كتيره اوي بغيب و اتشغل في السوشيال ميديا كلها و لما بعوز افصل و طاقتي بتبقي خلصانه بجري علي هنا ع طول .... يمكن اغلبيه الناس القديمه قفلت اكونتاتها و يمكن معظم الموجودين دلوقتي اندر ايدچ و طبيعه الاسك و الأسئلة و كل حاجه اتغيرت بس لسه هو المكان اللي بفصل فيه من اي حاجه تانيه برا 😌 رجعت المرادي بعد سنة و نص غياب و يمكن دي اكتر فتره قفلت فيها الاسك من ساعه ما عملته بس المرادي راجعه عشان ارغي و افضفض يمكن هتلاقوا اجاباتي مختلفه عن الاول كئيبه شويه و دي مش عادت الاسكاويه اللي كانت بتبعت رسائل بهجة و طاقه و ضحك 🥺🤦🏻♀️ بس ناويه افضل موجوده و مقفلش الاسك تاني و هحاول اكتب كتير و اجاوب ع كل الاسئلة اللي ليها إجابه ممكن تفيد مش الأسئلة العامه و خلاص ❤️😌 إفتقدت صحابي اللي هنا و إفتقدت الناس و الكلام و مبسوطة إني رجعت تاني حقيقي🤝😸🥰✨ If u read this to the end that means you care so thank u and I'm happy to know u ❤️✨💪🏻
ربنا هيقدرك عليها وهتستمري عليها لو بداتي من دلوقتي وقمتي اتوضيتي وصليتي ولو ركعه وتر واحده علي الاقل نفسك تتفتح ع المذاكره جدا ها تنتصري ع شيطانك ولا ينتصر هو ؟
ممكن سوال بسيط بما انك سهرانه هل قمتي ليلك واصطلحتي مع الله؟
تصدق السؤال دا صعب فعلاً 😌 الحاجه اللي نفسي اتعود عليها اوي هي قيام الليل .... انا مش هتكلم عن علاقتي بربنا عشان دي حاجه مينفعش اتكلم فيها ❤️🤚🏻 بس ياريت تدعيلي ان ربنا يقدرني و اعرف اتعود علي قيام الليل لأنها هتبقي خطوه فارقه اوي معايا 😍🙏🏻 و فعلاً جزاك الله كل خير عشان فكرت تسألني 💜🌸🤚🏻 و صحيح سهرانه بذاكر دعواتك بقي☺️🙊
بس حضرتك هتستفادي أيه لما حد يفضفضلك مثلا وهتسمعي لكام واحد ومش كل واحد هيدخل يفضفض ويطلع فيه ناس هتستغل النقطه دي في مبادئ عندهم غلط
هستفاد احساسي بأني هونت علي حد حتي لو بمجرد اني أسمعه لأني كتير ببقي محتاجه اللي يسمعني و مبحكيش و عارفه ياعني ايه احساس انك تفضفض و قد ايه هو إحساس مريح 🤚🏻😌 هسمع لكل اللي اقدر عليه و بحاول انشر الفكره أن ناس كتير تعمل كدا لعلها تبقي حاجه كويسه تتحسب 🙏🏻💜 بالنسبه بقي للناس اللي هتحاول تستغل الموضوع دا فأنا اقدر و الحمد لله اني اوقفهم عند حدهم و اعرف اميز كويس مين اللي حابب يحكي و مين حابب يستظرف و يغلط 🤚🏻🤷🏻♀️