DO something today that your future self will thank you for ❤🚹🙋
try to prove yourself 👌
don't waste time 👌
#motivation_message 💪
#have_a_beautiful_day ❤
- أعتقد إن لما ماما تصحى معايا الصبح بدري عشان بس تعملّي الفطار و الشاي, و ما تنامش بليل غير لما أنا أنام , وبقى يومها ماشي على حسب يومي أنا .. - و أخويا الصغيّر اللي لما ببقى عايز حاجة من البيت أو برا البيت بيجيبهالي (مش على طول يعني ) , و اللي لما بجيب آخري باروح أطلّع كل حاجة عليه .. - و صاحبي اللي مستحمل قرفي و شخصيتي اللي إتغيّرت و الكآبة اللي أنا فيها و يتصل بس عشان يحاول يطلعني من اللي أنا فيه .. أمور تستحق إن يتقال عليها حب من إنك تبقى قاعد على الشات بتدوس على زراير و مش عارف اللي قدامك هيرد عليك أصلاً ولا لأ ... - و أعتقد إن ماما لما تقولّي هتعمل كل خير إن شاء الله .. و أخويا الصغيّر اللي لما أقولّه مش عارف هعمل إيه في الإمتحانات يقولي و أنا كمان عندي إمتحان دراسات و مش عارف أعمل فيه إيه .. و صاحبي اللي بيقولي أدينا مع بعض في الزنقة, و إحنا حصل فينا كده قبلك عادي, و إنت قدّها .. كلمات فيها حب أكبر بكتير من كلمة "بحبك" ذات نفسها ... - الحب هو إهتمام .. هو روح حاسة بيك .. و ناس خايفة عليك ... - الحب هو حد وقف جنبك في الوقت اللي مافيش فيه حد حواليك ... - الحب هو حد ساندك في الوقت اللي مش عارف تسند فيه حتى نفسك ... - الحب هو حد قادر يقدّم و يعطي في الوقت اللي إنت فقدت فيه كل حاجة و مش معاك حاجة تقدّمها ... -ربنا محاوطك بالحب اللي إنت محتاجه في كل وقت .. لكن للأسف إنت مش شايفه عشان إنت بتطلبه بطريقة معينة ... -رتب أفكارك صح .. و حط كل حاجة في مكانها الصح .. و إدّي كل حاجة حقها المظبوط .. و إنت ساعتها هتستمتع بالحب اللي بجد