طيب ازاي ممكن نكتشف ان الشخص بيخدعنا ومش دا وشو الحقيقي ! وهل لو عرفنا انه في الواقع مش كويس بس محتواه في السوشيل ميديا حلو ، ممكن نقتدي بمحتواه بس ؟
مش هتعرفى غير لما تتعاملى معاه وتقربو من بعض وقتها وشه الحقيقى بيظهر او تشوفه فى الحقيقة وتتعامل معاه وقتها بس هتعرف فعشان كده متقربيش احسن عشان لو راسمه ليه تمثال او تابوه صدقينى هيتكسر . الواقع امر يخصه هو انا ليا بالظاهر بس اخود ال ينفعنى بس ونقتدى بلامحتوى بس والنماذج والامثلة ال فيه لكن مش نقتدى بيه هو عشان منتصدمش .. كتير كان بيعتبرو فنانين فى منتهى الرقة ولاقوهم جلنفات لما قربو منهم وكتير كانو بيعتبرو شيوخ قدوة ليهم فى الاخلاق والالتزام وفى الاخر بيطلع عكس ده .. فعشان كده خلى عالاقاتك بالناس سطحية سواء ولاد او بنات شيوخ او فنانين او شعراء او او عشان متتصدمش فى الاخر وبلاش تنبهرى بحد عشان مفيش حد احسن من حد احنا ال بنصنع من الحمقى ملايكه فى خيالنا فخودى ال ينفعك بس ومتتعزليش عن حد خليكى وسط وحطى لنفسك حدود وخطوط حمرا خاصة بيكى وبتربيتك وبدينك هتعيشى فى سلام والله 🌹
هل السوشيل ميديا طريقه صحيحه لنشر الافكار الكويسه ، ولا ممكن يكون الانسان مش كوويس عالطبيعه وبيمثل في السوشيل ميديا انه محترم ، ولا ملهوش علاقه !
فى وقتنا ده اها طريقة صحيحة لنشر الافكار الكويسه وتقدرى تفيدى الناس وتقولى رايك بكل حرية ومفيش رقيب عليكى غير ربنا ثم نفسك وانا عن نفسى شايف ان السوشيال مفيدة جدا خلتنا بقالنا اصدقاء فى كل حتة فى العالم مكناش نحلم بكده اصلا ووسعت مداركنا جدا زماان كنا على منوصل لحد بناخود وقت كتير وكنا كلنا نتفرج على مسلسل واحد او برنامج واحد وسهل يسوقنا زى القطيع دلوقتى بقى لا بقى فيه عولمة والعالم بقى قرية واحدة اهو .. اما بقى حتة ان الانسان مش كويس فى الحقيقة وبيمثل على السوشيال فهو مش بيخدع حد غير نفسه وعايش بشخصية مش شخصيته fake يعنى وده نااس كتير كده فعلا عايشين بوش مش وشهم لكن مش نعمم بقى لان كل حااجة فيها الحلو وفيها الوحش فنكون احنا الوجه الحلو بقى ونجمل العالم ده ونعيش بطبعيتنا من غير نفاق .. وهى مالهاش علاقة خالص العيب فى الشخص ال بيستخدم الحاجة ومدام بتستخدميها فى خير يبقى خلاص مالكيش دعوة بغيرك اصلح من نفسك ينصلح الناس من حولك :D
اذا أردت أن تكون سعيداً لا تقف كثيراً على ذكريات ماضيك ولاتلهث خلف إنسان لايفكر فيك فلا أحد يموت لفراق أحد واحمد الله على نعمة النسيان لا طبعا مش حل 😱 ده اسمه ضعف زى الانسان ال مش بيواجه مشاكله فبيهرب منها لحد متتحل او حد يحلها بالنيابة عنه