مفهوم ❤️
اه
زوجتنا ووالديّ وأختي
يا راجل وهي دي حاجة تتحب
+ 24 💬 messages
read all
مش عارف ممكن يوصلني فين لو أطلقت له العنان.
أصل أنا بعتبر الخيال ده وقود الحياة، يوم ما يخلص الحياة هتكون رتيبة ومملة.
يعني مثلا مثلا فرضا جدلا، انت قبل ما تخوض تجربة ما، بتكون راسم خيالات كتير عنها، ولما تبدأ فيها بتكون حابب تمارس الخيالات السابقة عندك دي، فلو خيالك ده مش متجدد وكل مرة بيزيد، هتحس بفتور وملل وتزهد.
والخيال هنا مش بحث عن المتعة واللذة فقط، لأ، الخيال ككل، حياة كاملة يعني جوه عقلك.
أنا طول الوقت دماغي شغالة لو مش في حاجة مفيدة بتكون في حاجات تافهة عادي أو حاجات بحبها.. زي مثلا لما أحس بملل بقعد ارسم سيناريوهات مختلفة لأشخاص تاريخيين أو خياليين قرأتهم في روايات ولو عجبني سيناريو منهم بكتبه.
من ضمن الحاجات إن بورخيس كان بيغير من أبو العلاء المعري رغم كونهم مشتركين في العمى والموهبة وسعة الإطلاع، وبسبب الغيرة دي ماتكلمش عنه ولا ذكر اسمه في كتبه رغم إنه ذكر الجاحظ وكذا حد من الأدب العربي وألف ليلة وليلة وكمان اتعلم عربي من كتر حبه في الأدب العربي.
ألبرتو مانغويل _أو مانجويل لحد ما نحل مشكلة الجيم دي_ هو كمان في خيالي كان بيغير من بورخيس، وقال في تاريخ القراءة:
"القراءة على الرجل المكفوف المسن كانت تجربة غريبة بالنسبة إلي، لأنه كان كمستمع سيد النص، (بورخيس) كان يختار الكتاب، وبورخيس كان يمنحني الدعم اللازم، أو كان يطلب الاسترسال في القراءة، وبورخيس كان يقاطعني للإدلاء بتعليق، وبورخيس كان يترك الكلمات تتوجه صوبه، أما أنا فكنت غير منظور".
والغيرة دي بيترتب عليها تصرفات تانية ودي لعبة السيناريوهات في خيالي بقى، أنا كمان بغير من كاتب ما مش هذطر اسمه، الوحيد اللي لا رشحته ولا هرشحه لحد رغم عبقريته بالنسبالي.
أحيانا خيالي بيحيلني لأزمنة فاتت تمنيت لو كنت فيها، وإني كنت عنصر فعال في غزوة ما مثلا أو فتح بلد جديد ودخولها الاسلام.
ساعات وأنا بتمشى بفكر في الموجودات لو ليها حياة زينا، مثلا لو القلم عنده لسان هيقولنا إيه؟
لو الشجرة ليها رجلين هتروح فين؟
لو السفن ليها عيون أسفلها هتشوف ايه؟
واقعد أحط أجوبة على الأسئلة دي وبخلق حوارات ما بينهم بعيد عن البشر خالص.
وأشياء أخرى لا يكفي الأنسر لسردهاView more
البوست ده كل شوية يقابلني حد مشيره، وأدخل ع الكومنتات يتفقع مرارتي وأخرج تاني، وكل مرة بقول لا مش هفتح الكومنتات لأ، ومرارتي تنقح عليا، أقوم فاتح الكومنتاات وهاتك يا فقع.
المشكلة إن معظم الأسئلة هي مجاوبة عليها!
أيوه يعني انت حاطة ستاندرد معين وعاوز الناس كلها تمشي عليه؟
جه في بالي تخيل وانا بقرأ سؤال "ايه رأيك في عمل المرأة"
لو مثلا مثلا فرضا جدلا، شخص (س) عايش في قرية نائية يصحى الصبح يزرع ويقلع ويفلح في الأرض، ملوش نصيب من التعليم بس له نصيب من أرض أبوه وواخد باله منها وراجل محترم وأخلاقه كويسة وعال، وعنده بهيمتين وبيفكر يتجوز ويجيب بهيمة تالتة عليهم عشان يعمل بيها وليمة ويأكل أهل القرية الذكية..
فيروح (س) يتقدم لبنت الحاج عوض راجل طيب وغلبان وعياله محترمين ومن نفس الطينة، يقعد مع العروسة يلاقيها ماسكة ورقة وبتقوله إيه رأيك في عمل المرأة يا س؟
يا سعدية انتي عبيطة عمل مرأة ايه هو احنا حريمنا بتشتغل ولا بتخرج بره الدار؟
طيب لو حصلك فتور ايه أقصى حاجة ممكن توصلها يا س؟
هسيب طبعا تخيل رد الفعل بتاع س ليك وإن الرؤية دي مش هتكمل، ولو كانت مشت بشكل طبيعي عادي زي ما أخوه الكبير وعيال عمه اتجوزوا، كانت تمت الزيجة، وده كله مجرد تخيل يعني لكن قريب من الواقع شوية.
مش بقول الأسئلة غلط، بس وجودها عند فئة معينة هيكون غلط، هما ماعندهمش مشكلة عمل المرأة دي، هديهم حلول وإجابات لمشكلة مش موجودة عندهم ليه؟ ما كده هيضطر يجيب المشكلة عشان يستخدم الحل بتاعها.
يعني أروح اشتري مكنة عصر البرتقان بالنون عشان عليها عرض نص السعر، وأنا مابحبش البرتقان أساسا، فاضطر بعد كده اشتري برتقان عشان اعمل عصير برتقان. طب أنا من الأول اشتري الحل ليه وأنا ماعنديش مشكلة أساسا.
الفكرة إن ربنا خلقنا مختلفين فكريا واجتماعيا وعلميا وماديا ، وكل واحد البيئة بتاعته مختلفة عن التاني، فمينغعش نعمم قياسات تختلف من شخص للتاني ومن مكان للتاني لمجرد إننا شايفينها صح، حتى لو هي صح بس في مكان تاني مش هتكون فعالة وملهاش لازمة.
يا خسارة الوقت جري والبصمة هتفوتني .. كنت هقعد أثرثر للصبح والله، يلا مش مهم.
شكرا أيا أنون على الكيو 😁❤️View more
قابل للحذف..
في موقفين لاتنين صحابي بحبهم وافتكرتهم النهاردة هحكيهم.. (فيهم شتيمة عشان اللي مش حابب يقراها مايجيش يعقب عليها)
أول موقف لطارق، كنا قاعدين في كافيه (بنات وشباب) وطارق طول عمره يحب الشاي وطول الوقت شاي شاي.. وكعادة كل مرة طلب شاي، في واحد قاعد معانا حب يحلوّ على طارق وينمّره عشان في بنات وكده .. فقاله علفكرة يسطا القهوة هنا رخيصة زي الشاي والمشاريب التانية مش غالية، فما كان من طارق غير إنه وطى على ودن الولا ده وبصوت واطي كده قاله (ك$مك) كلمة مختصرة شافية كافية خلت زيزو ده كول القعدة متكدر ومش بيفتح بوقه.
الموقف التاني لمعتز، كان مروّح المعمورة والأجرة وقتها كانت ٤ ونص والسواق بياخد الخمسة جني ويسكت، معتز قاله في نص طن، وكل ما واحد يقوله في نص يكبر دماغه وهكذا يعني وكانوا شدّوا سوا ..
معتز وصل عند كوبري المندرة وفي ظابط واقف هناك راح مطلع راسه من الشباك وبينادي للظابط يقوله يا بااشااا السواق ده واخد مننا فلوس زيادة وقولتله هقول للظابط قالي ك$مك على ك$م الظابط 😂😂 والظابط فشخ السواق يومها
ودي من ردود الأفعال الفشيخة اللي قابلتها.View more
+ 6 💬 messages
read all
حرام
+ 2 💬 messages
read all
عِش مُجبَراً أَو غَيرَ مُجبَر .. فالخَلقُ مَربوبٌ مُدَبَّر
وَالخَيرُ يُهمَسُ بَينَهُم .. (ويُقامُ لِلسَّوءاتِ مِنبَر)
- المعري
عايز أعيش هنا 💙
من أكبر وأعقد مشاكل السوشيال ميديا إنها حسستنا إننا كلنا مهمين وكلنا بطريقة ما محاور مهمة في الكون وبنفس الطريقة ال ما؛ خلقت نوع من المساواة بين الكل، مش بس في الدرجات إذا كانت مادية أو علمية أو دينية أو غيره.. لأ ده كمان في درجات الرأي و مدى تأثير الرأي ده، ودي ألعن حاجة ممكن تتخيلها بتحصل على المنصات دي، وخد عندك كمثال إن رأي تافه رويبضة في قضية دينية مثلا لا مجال لتعدد الآراء فيها من الأساس، ممكن يلاقي قبول وانتشار أكبر من فتوى لشيخ الأزهر تخص نفس القضية.. وهذا غيض من فيض، وتكثر الأمثلة.
ياريت نرجع نقيم السوشيال ميديا على إنها وسيلة ترفيه أو تجارة أو تسويق وداعم كبير لموهبة أو سلعة، ونحط الحاجات في مكانها والأشخاص في أماكنها.
