نصيحة للبنات متاخديش واحد "مكسور" علشان "تصلحيه" ، اللي عندة مشاكل نفسيه او اجتماعيه او سوابق اخلاقيه مش مشروع التخرج بتاعك او هتاخدي فيه ثواب زي ما انتي فاهمه .. هو مسئول يصلح مشاكله بما انه كبير وعاقل وفاهم . لو أصريتي "تتبنيه" الغالب ان هو اللي هيدمر حياتك (انتي واولادك في المستقبل لو عرفتي تتجوزيه بمعجزه وبالزق) . مفيش واحده بنت ناس ومتربيه وطيبه وعلي اد نياتها بتعرف "تربي" راجل وتغيره تماماً وتخلي منه انسان محترم ، زي ما الافلام بتضحك عليكي. حبي نفسك اهم من انك تحبي واحد مريض او معقد او تايه او مش عارف هو عايز ايه او اناني بيفيد نفسه علي حسابك . لو عايزك بجد هيعمل حاجات كتير علشان يفوز بيكي ويتجوزك . خصوصاً لو كان كبير ومستقر وميسور ويقدر ومعندوش موانع . مفيش اي حجه المفروض تقنعك انو مش قادر يتقدملك . متخليش شويه مشاعر مؤقته هي عمرك صحتك واحترامك لنفسك . نصيحه لوجه الله ركزي مع راجل محترم يستاهلك . ولو مفيش يبقا وفري حياتك ومجهودك .. عدمه احسن .
- عايزه ادخل معاه = مينفعش.. - عايزه اشوف انا في قلبه ولا لأ = يا أنسه دي عمليه قلب مفتوح .. اتفضلي برا. - مش هلاقي فرصه احسن من دي. = حد ينده الأمن ..!