اولا : دلوقتي مفيش وقت للمذاكرة و محدش يفكر انه هيقدر يذاكر حاجه لأول مرة بيذاكرها اليومين دول 2. دلوقتي تحط في دماغك انك ذاكرت و عملت اللي عليك بس فاضل بقي اخر مرحله قبل الامتحانات و هي المراجعه 3. راجع كويس جدا مرة و اتنين و تلاته و لو لقيت حاجات واقعه منك كتير متتضايقش دي حاجه حلوة انك بتعرفها دلوقتي احسن ماتعرفها وانت في الامتحان 4. متحاولش تحط نفسك تحت ضغط لأن الضغط بيضيع كل اللي انت ذاكرته و ممكن تلاقي نفسك بتفكر طب لو جه الامتحان ضعب طب لو جه في حتت و كنت ناسيها اعرف ان ربنا مش بيضيع مجهود و تعب حد انت اعمل اللي عليك و راجع لحد اخر يوم قبل الامتحان 5. اوعي تذاكر ال24 ساعه و متطلعش من البيت و تبقي عامل معسكر مغلق ده لوحده كفيل انه يحطك تحت اكبر ضغط و يضيع منك كل حاجه مع انك مش بتسيب دقيقه الا و لما تذاكر فيها 6. انت ممكن تخرج مثلا نص ساعه كده تتمشي و ممكن تتفرج عالتلفزيون شويه بس احسنللك متفتحش نت غير مثلا علشان تشوف الجديد ولو حد بعتلك حاجه او لأ 7. خليك عادي ولا فارق معاك الامتحان هييجي شكله ازاي و خليك واثق في نفسك انك عملت اللي عليك ذاكرت و راجعت و ربنا يكملها علي خير في الامتحان