خسرت حد اليومين اللى فاتوا دول فى حياتك وليه ؟ وندمان على خساره حد ؟
اليومين اللي فاتوا دول بالذات ؟ لأ الحمدلله بس عامة خسرت ناس لأنها معرفتش تتأقلم مع اسلوبي في التعامل بمعني انهم للأسف معظمهم اللي مبقتش اتكلم معاهم هما اللي بيتقمصوا لما متكلمش معاهم اسبوع اسبوعين شهر شهرين ، مع اني بحاول اكلمهم بس انا للي مرضاهوش علي نفسي مرضاهوش علي غيري ، انا مستعد حد يمتكلمش معايا حتي لمدة سنة بس لما ييجي يتكلم محسوش اتغيير معايا بالعكس هو ده الشخص اللي فعلا ينفع يستحق انه يبقي صاحبك بقيت حياتك ، موضوع اني مبتكلمش ده اوقات كتيرة بيبقي غصب عني بس محدش بيقدر
يوم في مصيف من 10 سنين مع صحابي كنا علي لسان جوة البحر و كان فيه فراغات في الخشب بتاع الارض و حطيت الموبايل مابين الفراغات علشان نتصور صورة سوا كلنا و فضلنا واقفين قدام الموبايل علشان نتصور و قاعد اقول يارب يصور بسرعة قبل مايقع في البحر و احنا التلاتة اتثبتنا قدامه و وقعنا ضحك و ساعتها الموبايل صورنا ، غالبا دي من اكتر الصورة اللي مسببالي سعادة في حياتي لأني وقتها ضحكت من قلبي بجد ^_^