هل أنا لو رفضه الزواج بسبب إن شكلي عادي ومش عايزة أظلم حد معايا خصوصا لأني عايزة واحد ملتزم فمش معقول بعد غضه لبصره وصبره علي المعصية أظلمه أنا معايا
اعوذ بالله ايه التفكير دا .. انتى بتذمى خلق ربنا مش بتذمى نفسك مينفعش ابدا اللى بتقوليه دا .. فيه اخوات نحسبهم على خير كانوا دايما يقولوا لكل وجه عاشق .. لذلك كان ارتداء النقاب ستر وعفاف ... وبعدين عمرها ما تكون بنفس تفكيرك انا عندى بنت عمى على قدر من الجمال تزوجت انسان ملتزم اقل منها جمالا وتبارك الله على حياتهم والعكس اختها جمالها مقبول وتزوجت من انسان ملتزم وتبارك الله على حياتهم برضه .. يعنى مقياسك فى تقييم الامور غلط لازم تصححيه اولا
طب متشوفي يمكن العادي ده يعجب
إيه اللي انتي بتقوليه ده بجد !
أنتي إزاي كده ؟! مين وصلك للدرجة دي من انعدام تقدير الذات ؟
حبيبي انتي مش بتتجوزي علشان شكلك حلو واد اي انتي اجمل ما رأت عنينا
ده يمكن جزأ بس كلنا سواء بنات ولاد فينا الحلو والوحش وربنا خالق الي يتقبل الوحش ويبروز الحلو ده لانه مخلوق لينا احنا ويبقي من نصيبنا ف انتي مش بتظلمي حد انتي بتظلمي نفسك لان أكيد ربنا خلقك جميله وشخصيتك أكيد أجمل فربنا يختارلك الأحسن والمناسب ليكي ♥️
اي شخص فينا في جزء جميل بشكل ما ..
الشكل ده مش شئ اساسي عند ناس كتيره ..
في ناس كتير مش حلوه بس بتجذب بروحها وتفكيرها وبنبقي نتمني نكلمهم ..
خليكي متأكده وواثقة انك جميله من جواكي وده هيطلع ع روحك و شكلك .. ❤️
واتأكدي ان مفيش حد كاااااامل 😉
تفكيرك غلط
هو هيتظلم فعلا انه ياخد حد بالدماغ دى
انتي ظالمة نفسك
حابب اوضح نقطتين هنا :
1- ربنا يباركلك انك بتدوري على الدين ❤
بس اعرفي ان كل واحد له حاجه بتميزه
في بنات شكلها بيبوظ بمجرد م تقول جملة
او بتصرفاتها او بلبسها ومكياجها
ف انتي مش عادية
انتي عسل ❤
2- احب اقولك واقول لكل الناس 😂😂
ان كل واحد فينا في كتير جدا شبهه
من الناحية التانية
يعني انتي شايفة نفسك عادية
في واحد شايف نفسه عادي
انتي عاوزوه واحد متدين ويتقي ربنا
في واحد عاوز واحدة متدينة وتتقي ربنا
انتي عاوزه واحد طموح
في واحد عاوز واحدة طموحة
انتي عاوزوه واحد غني
في واحد عاوز واحدة غنية
اللي اقصده كل واحد فينا في اللي شبهه الناحية التانية
ف محدش يقلق ولا ييأس
ف انت دور
و انتي اصبري