عود ليش جاي اضوج من كثرة تدخلات حبيبي وملحته بالاتصالات و التواصل وكلشي يحط نفسه ولازم اذا اتنفس هم يدري كم شهيق سحبت واذا طلبت اكل من برة واذا حضرت ملابس للدوام تحقيق و هواي هواي من هالقبيل
- اشارات الهيه حتى تنقذين نفسج قبل فوات الاوان بس شكلچ مدتفهميها
- من تكون عندك مواهب تهواها .. متحتاج اكثر من المبلغ الذكرته 🙃بس طبعًا الوارد مالته مبدئيًا محيكون قوي و حتى اذا صعد فـ يبقى مبلغ ثانوي تخلص بي شغلاتك البسيطة ،
- بما أنُ بقى أسبوعين يُفصلنا عن بداية سنة جديدة .. (بمناسبة حُبي للبدايات بكُل انواعها)و أنطلاقًا من مبدأ تقديس ألذات خلينا نتعهد لنفسنا أنُ حنسعدها و نصونها شگد ما نگدر ، نبعدها عن أي شـي ممكن يعكر أطمئنانها ، و أهم نقطة [ نختارلها ألناس الصح *إن وِجـد* ] أما شراكـة عظيمة أو وحدة أبدية . - ميري كريسماااس 🎅🏻♥️https://youtu.be/E8gmARGvPlI
-قبل كم يوم چنت اشوف مقطع لسيد علي الطالقاني و يمكن هو الوحيد من بين المُعمَمين إلي اهتم انُ استمعلة .. المهم ، ذِكَر بيها فئة من ألشباب الجديد إلي يستخدمون الثقافة كَـ نوع من الأحتيال او كَـ طريق جديد لجذب إنتباه الفتيات بأستخدام التزويق اللفظي و الكلمات العميقة الي ممكن تأثر بنفس البنت و تخربط مشاعرها .. (تحديدًا بموضوع الدفاع عن المرأة و حقوقها .. إلخ ) لحتى يوصلون لغاية مُعينة ،و هالشي خلاني أعيد النظر و اتأكد اكثر أنُ مو كل شي نشوفه بمواقع التواصل هو الواقع الحقيقي للإنسان .. دائمًا اكو جوانب مخفية و ممكن تكون مرعبة! مو الكل بهالوضوح و الصورة المثالية ،.
- ما أحس اكو شي مُعين يحكم ثقافة الأنسان ..اكو شخص لمجرد تشوفه يحچي من مخارج الحروف و لغة جسده تلقائيًا تحسه مثقفهيچ تكون ألروح راقية !.. و هذي فِطرة مو تعلوم .
[ لا تُقارن نفسَك بِموسمِ حصاد غيرك ]- فكرة المُقارنة من الأساس هي غلط و جريمة بحق النفس ..لكل إنسان ظروف و بيئة و تفاصيل هواية مُستحيل تتطابق كلها ويه شخص معين !فَـ لما أنت ببداية مشوارك و دتخلي حجر الأساس .. لا تنظر نهائيًا و أطلاقًا لشخص واصل لنص الطريق او للقمة خلي مسار نظرك و كل تركيزك على طريقك و هدفك فقط ! - الملخص :كون أطرش و أعمى ويه ألناس و التركيز كل التركيز "بنفسك" لا غير ،.
( خيرًا تفعل شرًا تلقى )- خلونا نكسر هالمقولة أو المثل الشائع .. و نبدلة بـ ( خيرًا تفعل ، خيرًا تلقى )بديهيًا الخير الي يجي من ربنا هو ألافضل من خير البشر .. بالأضافة لشعور الرضا و السلام الداخلي لما تسوي خير لأحد بدون مقابل !فَـ لما تحس إنك لازم تساعد لا تتردد و ساعد من كُل گلبك بدون أن تنتظر شـي 🤍.
تستخدم القدمين الا اذا كانت السيارة كير منيول القدم اليسرى تستخدم للكلتچ اما اذا كير اوتو قدم واحدة اذا تستخدم قدمين ممكن بسبب الارتباك راح تضغط دواسة البانزين مع الفرامل