بتعملوا ايه لما حد يوحشك وانت منعت نفسك عنه لاسباب قويه وغير قابله للصلح ولا الرجوع
عاشن انا كرامتي قاتلاني اني يوحشني حد عمل فيا كل دا
إن المرء منا يشعر بالألفه حتي مع شجره جلس تحتها اكثر من مره فكيف يُنسي من ألفته الروح ؟
الاشتياق شعور لا ينطبق عليه قواعد ومعايير الغضب او الكرامه دا شعور ورد فعل طبيعي لاي حد آلفه قلبك ودا معناه اصلك الطيب وان قلبك لسه مطالش سواد المواقف والمشاكل وماثرش عليه الحزن .. انا عامه لو اتحطيت فموقف زي دا بدعي للشخص دا الدعاء بيرقق القلب وبيهون وبيفادي ابتلاءات اكبر واعظم متقاوميش الاشتياق ولا تحاولي تكرهي نفسك فالشخص او تفضلي تشحني نفسك وقلبك غضب وكره علشان انتي اللي هتتاكلي وهيخليكي شخص عدواني وفاقد للراحه والسلام النفسي ادعيله وادعي لنفسك الدعاء بيفتح ابواب وافاق لا تتخيليها حقيقي مش هقولك لما تشتاقي تروحي تقولي لان في ناس ممكن متقدرش دا وممكن تلاقي رد فعل يكسر قلبك مش كل الناس تعشمي فيها بس كل لما تحسي انك هتضعفي صلي وادعي وابكي لربنا هترجعي كويسه واحسن من الاول لحد مربنا يكرمك بقا بانه يختارلك الاحسن والافضل ❤️
تقصدي الوحش قبل الحلو اكيد ..
لو قررت اني اقعد معاه هتتحسب عليا وانا عارفه اني احتمال كبير جدا ارفض مش عشان شكله او مكانته او اي حاجه انا حاسه ان مفيش راجل مالي قلبي زي مانا نفسي وبتمني حاسه كل الرجاله عاوزه تتجوز لمجرد الجواز والمتعه وخلاص مفيش حد هيهتم لل واخدها ولا يحاول يسعدها فاهماني
اه فعلا افصد كده كتبتها بالعكس .. بصي انتي لازم تقعدي علشان هتعرفيه ازاي؟ هما فالاول بيتجملوا ويظهروا احسن ما فيهم اتناقشي معاه حاولي تعرفي طباعه خدي رايه فحاجات مهمه بالنسبالك ومتقبليش ابدا ولا تتجوزي اي حد علشان خاطر هتتحسب عليكي ولا علشان سنك بيكبر ولا علشان مفيش احسن متقبليش باي حاجه وخلاص ختي لو هتفضلي طول عمرك لوحدك هيبقي افضل بكتير من انك تدخلي فعلاقه تستنفذك وانتي بتحاولي تشحتي منه اهتمام او كلمه حلوه مفيش راجل هيعمل كدا الا لو عارف قيمتك متتنازليش انتي تستاهلي كل حاجه حلوه فمتضيعيش نفسك فانك تحاولي تنزلي من احلامك علشان تتاقلم مع المتقدم ايتني وادعي ربنا وهو يقدملك الخير ليكي ♥️
انا شخص متطلب خايفه اوافق علي حد ميطلعش زي مينفعش مع شخصيتي
المثاليه مش موجوده .. دوري ع الراجل اللي تقدري تتعاملي معاه بطبيعتك الحلو قبل الوحش ويكون ابن ناس متفهم وتقدري تتناقشي معاه وتوصلوا لنقطه نقاش يكون في لغه حوار بينكوا ولو طلع راجل ومحترم اي حاجه بتيجي بالعشره بعد كده يفهمك يعذرك وتتقبلوا عيوب بعض عامه اقعدي معاه اعرفي عيوبه وشوفي هتعرفي تتعاملي معاها ولا لا لو في قبول منك ادخلي فتفاصيل واساليه اكتر واقعدي مره واتنين وتلاته قبل م توافقي مفيش مشكله