شعور وحش اووى اما يكون فى حزء منك مش راضى عن اللى انته بتعمله يعنى شعور يتفوق على حدة التفكير والقرارت الصارمة او العكس متحيرش نفسك كتير بين العقل والقلب مش لازم نختار حط شوية من مشاعرقلبك على التفكير الصارم اللى فى عقلك عشان القرار يلين وصدقنى ساعتها هتتخلص من الشعور ده
اللى مستنيلك على غلطة اديهالو متعزهاش عليه اضحك ده حتى الضحكة صحة للقلب. اتجنن بس افتكر برده ان فيه حدود .حط لنفسك مبادئ صح وعيش حياتك وانت مستمتع بتنفيذها عشان هيا صح يبقى اكيد حاجة ترضى ربنا ...الحياة بسيطة مش عارفة ليه احنا اللى غويين نعقدها هتقول مشاكل ياراجل ده انت معاك ربنا احسن من اى حد ;)
عارف اما يحصلك حاجة وبتكون هتموت وتعيط بس للاسف مش عارف عشان دمعتك هربانة منك اصلا الناس ساعتها بتفكرك بارد بس هما مش فاهمين وبعدين تلاقى الدموع دى بتخرج اما يحصلك موقف هايف او قبل النوم بمعنى اصح مش فى وقتها المناسب بس اهم حاجة انها خرجت بتحس انو كبت اتشال من على القلب وساعتها بتستريح اوى
مش منطق ابدا انك تعمل حاجة غلط لمجرد ان الناس بتعملها وتبرر موقفك وتقول ( ماهما بيعملوا كده اشمعنه انا هيا جت عليا ) متحللهاش لنفسك عشان بس تبان قصاد نفسك انك تمام الغلط غلط حتى لو قالوا مية راى يقول انو صح حتى لو كلهم عارضوك خليك واثق ان انت على حق وفى الاخر هيندموا يكفى لنفسك ان ضميرك صاحى وعام
عارف انت الانسان اللى بيحب يبرر كل حاجة عشان بس محدش ياخد عنو فكره غلط مع انو مش مجبر على كده ابدا واصلا كلام الناس لا بيودى ولا بيجيب بس هوس انه هو عايز يحافظ على صورته مثاليه زى ما طول عمره كان فده بيدفعه يعمل كده ... ببساطة عيش حياتك على كيفك طبعا فى النطاق الصح اللى يرضى ربنا وابعد عن كلامهم