سيدنا الخِضر لما كان بيعلم سيدنا موسي اليقين فـ ربنا وهُما ماشيين فـ الطريق👇 سيدنا الخِضر شاف طفل صغير وأول لما شافه جري عليه وقتله ! سيدنا موسي غضب وقاله ""تقتل نفس بدون أي ذنب؟!!"" بس طبعًا ربنا كان معلم سيدنا خضر بعض من علم الغيب وإن الطفل دا أبوه وأمه ناس طيبين وعلي قد حالهم والولد دا كان هيبقي فاجر وعاصي لما يكبر ومُش هيرضي يتوب أبداً وكان هيتعب أبوه وأمه معاه فربنا خده منهم علشان يبدلهم بطفل تاني يكون أفضل منه ويكبر ويبقي صالح وتقي👌 وفعلاً ربنا رزقهم بابن غير اللي مات وكان بيخدمهم لآخر عُمرهم وبقي الأب والأم يحمدوا الله إنهم فقدوا الابن الأول لأنه ممكن مكانش يبقي أفضل من التاني ! وربنا عوضهم بشاب صالح يخاف الله فيهم ويبرهم طول حياتهم ويدعيلهم بعد وفاتهم🙌 الخلاصة من القصة دي إن ربنا بيعوض دايماً🙋 ""ربنا سُبحانه وتعالي مش غَرضه ياخد مـ الواحد ومايديش ! لأ دا بياخد بس عشان يعطي الحاجة الحلوة اللي متأذيش""👌 وعلي رأي أحلام مُستغانمي لما قالت""لعلك فقدت الشخص اللي كنت بتعتبره نجم من نجوم السما لأن ربنا كاتب من نصيبك القمر""😉 الشيئ اللي إنت فاكره كويس وراح هتيجي تقول ف يوم الحمد لله دا كويس قوي إنه راح👌 ارضي بمقسومك وتأكد تمامًا إن الخير جاي من وسع بإذن الله😍 بتفتكر إنها ضاقت قوي بس بيطلع من قلب المِحنة منحة🙋 الحسن بن الهيثم مكتشفش علمُه غير وهو مسجون في الضلمة بتخسر حاجه لأن وقتها ربنا بيدبرلك من نصيبك حاجات أحسن تكسبها والله لو عرفت ربنا بيدبرلك إيه في علم الغيب لهتبكي زي العيال الصغيرة من شِدة السعادة والفرح😀 ربنا كريم لما بيعطي بيدهش ويذهل من كُتر عطائه إنت ممكن تحس إنك قليل وسط الناس لكـن صدقني إنت عند الله غالي أووي💙