يمكن أكتر حاجه بتمناها من ربنا انه ميعميش عقلي وضميري عن الصح ويخليني دايما أحس بالذنب لما أعمل حاجه غلط وميخلنيش أشوف الحرام حلال وأضل في طريقي بتمني أني أفضل نضيف من جوايا وقلبي يفضل نقي جواه خير لكل الناس ومبيحقدش على حد بتمني إن سيرتى تفضل حلوة على كل لسان سواء عايش أو ميت. ?
الكلام الحلو بيفرق جدا قادر يغير نفسيتك من شخص مكتئب لشخص مبهج، بيفتح النفس ويخلي أفكارك إيجابية جدا، سيب أثرك في الناس ولو بكلمة حلوة وهتتفاجئ بشعور السعادة من غير سبب، هتبقي مبسوط لوحدك من غير أي موقف حصلك علشان ربنا هيجبر بخاطرك بسبب أثرك إللي سيبته في قلب كل شخص.