تصدقني او قلت انها مش بتحصلي الا او كنت متضايقه او بمر بمرحله صعبه في حياتي ؟؟ولا ممكن بتتصادف بس مع ظهورها
تلاقيكي بس وقتها بتكوني حاسة بفراغ وبتركزي في السلبيات 😅 يا اما يكون فيه علاقة فعلا والعلم لسة موصلهاش وهنحتاج نعمل عليكي أبحاث 😅
لا معنديش اي امراض هو فعلا بتطلعلي ف ايدي ورجلي بتبقي صغيره وبتوجع
اعالجها ازاي طيب
هي الحالة الشائعة زي ما قلتلك مش محتاجة علاج وبتروق لوحدها مع الوقت ومفيش منها أي قلق لكن لو فيه اي نزيف تاني او بتتكرر كتير وتضايق أو بتوجع لوحدها من غير ضغط عليها أو في أي قلق من مشاكل تانية ممكن تروح لدكتور باطنة وتعمل تحليل دم ونزيف عشان تتطمن ..
متعرفش السبب في الكدمات اللي ملهاش اي سبب او تروما ؟
في حاجة اسمها purpura simplex أو easy bruising وده أشهر سبب لظهور الكدمات دي وخاصة في البنات .. غالبا بتلاقي كدمات على الرجل أو الدراع من غير خبطات وكل حاجة سليمة .. بيقولو سببها ضعف في جدران الأوعية بس مفيش منه قلق خالص ولا محتاج علاج ده طبعا بافتراض أن مفيش أي أمراض أو مشاكل تانية ولا هيستوري .. الخ
خطك متأثر مش زي قبل كده ولا أنا بتهيألي ؟
هو فعلا المستوى قل عشان مكتبتش من زمااان
الديواني أحلى :D
يمكن مميز عشان محدش بيستخدمه كتير ومايل كده ومتدلع 😅
انت اتعلمت خط فين
دي عاشر مرة اجاوب على السؤال ده تقريبا 😅كان عندي مدرس خط كويس في ابتدائي واتعلمت منه كتير في خط النسخ ربنا يجازيه خير .. واتعلمت الديواني بمجهود ذاتي مع نفسي وبمساعدة النت وكتب للتعليمده للناس اللي واخدة الموضوع هواية وعايزة توصل لمستوى معقول زي كده ..انما لو حد معندوش خلفية عن قواعد الخط وعايز يبقى خطاط بجد لازم يروح كورسات أو مدارس خط
لو سمحت نسمع تسجيلات مين في الكارديوثوراسيك والنيورو؟
مسمعتش غير مواضيع قليلة في النيورو لدكتور عادل فتحي
بص/ي أحنا بنصلي علي النبي وبنفكر بعض بكدا ف بالله عليك/ي ابعتها للي عندك ولو طنشت/ي انت حر/ه هتفوتك حسنات كتير😍😍
اللهم صل وسلم على سيدنا محمد
اي حاجه للجوع😂😂هو دوا 😂من جوا اه لسه جاي من بره والمحلات قفلت
ماهو لو كده مش محتاجة سؤال يعني 😂 شوف اللي عندك في التلاجة .. ممكن تعمل شوية بيض مقلي وتقطع عليه جبنة مثلثات تسيح معاه على النار دي أحد أكلاتي المفضلة 😂
اقتراح لحاجه سريعه تتاكل الوقتي
انا هشتغل شيف شربيني كمان 😂 طيب نوع الحاجة دي ايه ؟ أكل من برة ؟ أكل من جوة ؟
طب لما هو مش ناوي علي ارتباط بيبص ليه مثلا؟ وانا افهم أن ده معناه انه هو قصده يتسلى وخلاص؟
انا قلتلك الموضوع معقد ومقدرش أحكم عليه .. كل واحد وله نواياه .. وكل واحد وله شخصيته وطريقته في ناس ممكن تبدأ تتعلق بنظرات وتكون مستنية تحس ان فيه قبول عشان تاخد خطوة رسمية .. في ناس ممكن تكون بتبص عشان تعلق البنت وتقضي وقت لطيف وخلاص في ناس ممكن تكون بتبص فضول أو عشان موقف حصل أو من غير قصد .. عشان كده بقول النصيحة للحفاظ على البنت .. انها متتعلقش بحد بسهولة غير لو لقت عنده جدية وبياخد خطوات رسمية
طيب هو امتى الولد هيحس ان الموضوع جاى على كرامته بدون ما يكلمها يعنى لازم لو هى بتحبه تبينله ان في استجابه ؟
جاوب حتى لو بصفة عامة من كلام الشباب ورأيهم
مش عارف والله المواضيع دي معقدة بس أكيد لو الولد مهتم فعلا هيحاول يكلمها شخصيا بشكل جاد أو يكلم أهلها .. وده أكتر أمان للبنت من انها تستجيب وتتعلق بحد ممكن يكون بيتسلى أو لسة مش ناوي على ارتباط رسمي
لو فيه زميل بيحاول يوصل لبنت انه معجب بها ووصل لاسلوب مضايقه و لفت انتباه للى حواليها ازاى توصله انها مش معجبه به خالص خصوصا ان التجاهل خلاه يزيد ووصل ان عينه طول وقت مثبته عليها و تصرفات اكتر
معرفش ايه الحل بصراحة .. غير لما ياخد خطوة مباشرة معاها وتقفله بشكل واضح لا يقبل احتمالات ولا تفسيرات تانية ولو مخدش خطوة زي دي أكيد مع كتر التجاهل الصريح ومعاه شوية تلقيح كلام (ده باعتبار انه انسان وحش وتصرفاته مؤذية لها فعلا) في النهاية هيتعب وهيزهق وهيحس انه جاي على كرامته ومفيش حد هيرضى كده على نفسه مهما كان معجب بالبنت دي
إمتى الواحد المفروض يدي فرصة للي قدامه لو حس إنه عاوز يقربله أو حاسس بحاجة ناحيته .. و خصوصاً لو بنت اللي في الموقف ده ؟! ..
إمتى ممكن الواحد يفكر في الموضوع بشكل جاد .. ويبدأ يفكر في إدخال الأهل في الموضوع ..
يعني شوية علامات على إنه اللي قدامك مش بيستهبل... 😂
لو بنت يبقى لازم تحس بالأمان .. لما تلاقي الراجل محترم وأد المسئولية.. مش داخل يتكلم بس ويتصاحب .. عنده فكرة واضحة عن المستقبل بتاعهم مش داخل يتسلى.. وخطوة إدخال الأهل في الموضوع دي أكيد الراجل اللي بيعملها وبتهيألي مفيش علامة تبين الجدية أكتر من كده .. وعموما انا شايف ان أي حد عاقل يقدر يميز بين الجد وبين شغل الصحوبية بس هما بيخدعو نفسهم عشان يتبسطو ويعيشو شوية مشاعر لحد ما تقلب عليهم :D
لا أحسن إجابة من كل اللي جابوا على السؤال ده حقيقي
لو اعرف انه سؤال جماعي مكنتش هجاوب بضمير كده 😀
تفتكروا إن البنات المهتمين بالقراءة مختلفين عن غيرهم بفرق كبير .. ولا الموضوع مش ملموس اوي ..
يعني حيث إن فيه مقولة بتقول women who read are dangerous ..
إيه رأيك ؟! ..
لو في راجل مقتنع بالجملة دي فعلا يبقى تفكيره استبدادي .. مش عايز الست يكون عندها رأي أو فكر مش عايزها تناقشه عايزها قطة مغمضة متعرفش حاجة عن الدنيا انما بالعكس انا احب البنات يكون عندها رأي ودماغها شغال ..عندها هوايات تشغل وقتها .. وتعرف تتصرف في المواقف.. لازم يكون لها شخصيتها المستقلة في بيت أهلها أو مع جوزها.. تخليها مش معتمدة على الراجل كليا في كل حاجة .. لكن يهمني شخصيا ان البنت ميكونش لايف استايل بتاعها كله مذاكرة وقراءة ونضارة وكتب ودح .. وتنسى انها أنثى يعني لازم جزء الدلع والفرفشة يبقى موجود :D
-You don't know how to think, you don't know the right path, you can't decide how to proceed.
طب الحاجات اللى من برة الامتحانات من اللى اتقال فى الراوند واجاباتهم فى الهاند اوت يعنى ؟؟
من مواضيع الهاند اوت عادي زي اي امتحان mcq من بتوع زمان قبل الدلع :D
هو المسالك يتعمل ايه ليها للامتحان
احنا اخر راوند امتحن مسالك في الخاصات .. كانو بيقولو تشوفو الامتحانات اللي فاتت وبييجي منها بس الحقيقة معظم الامتحان بتاعنا كان جاي من برة .. ف لو مذاكر مع الراوند راجع المنهج بسرعة كده في يومين وبعدين شوف الامتحانات و مذكرة احمد كامل .. لو مكنتش مذاكر لا يكلف الله نفسا الا وسعها بقى اللي ادامك الامتحانات واحمد كامل وانت ورزقك بقى على حسب الامتحان بس مش هيقل عن 15 جملة منهم اعتقد