بامانه ربنا يعني و انا بنت دفعتك ما بتيجي سيرتك إلا بكل خير و احترام ليك مع ان محدش اتعامل معاك شخصيا بس كانطباع عام معروف انك انسان طيب و اخلاق و محترم و عمرى ما سمعت عنك اى حاجه وحشه ربنا اما بيحب عبده بيحبب فيه خلقه و يطيب سيرته بين البشر ✌ ربنا يزيدك من فضله و حبه و يجعلك من نصيب صحبتي يا رب😂😂
وكلامك ده يسعدني جدا والله .. ربنا يكرمك ويسعدك دايما :)
من غير تريقه و الله بس فى واحدة من حبي فيها و استخساري انها تروح لاى كدا من طبيتها و من معرفتي باحترامك و شخصيتك الطيبه
نفسي ربنا يجمعكوا مثلا 😂 بس ازاى معرفش 😂 هيا اسنان مش طب بالمناسبه 😂
ده اظرف سؤال وصلني من ساعة ما عملت اسك تقريبا 😀 وبحمد ربنا ان فيه ناس واخدة فكرة كويسة بالشكل ده عني "اللهم اجعلني خيرا مما يظنون واغفر لي ما لا يعلمون ولا تؤاخذني بما يقولون"
اخى لا يصلى كل الصلوات سيما الفجر وتعبنا من نصحه بالترغيب والترهيب بلا فائدة .لا يذاكر لا يقرأ لا يفعل شيء فى حياته سوى النوم والاكل والمشي مع الاصحاب .تعبنا جدا منه واصبح لا يستمع لكلامنا جميعا حتى ابى .هو عنده 16 سنة قلبى بيوجعنى انه بيضيع فى حياته وهيندم بس بعد ما يفوت الأوان .اعمل معاه ايه ؟
الاحسن تسألو ناس كبيرة لها خبرة في طرق التربية وانا متفهم كلامك خاصة في سن المراهقة ده الشباب بيميلو للعناد وتكوين شخصية مستقلة بالتالي اسلوب الأمر والانتقاد صعب يمشي معاه .. الاحسن ان الكلام ييجي في شكل نصيحة من صديق يعني حد في العيلة يكون قريب منه وبيثق فيه .. او حد يتعمد انه يظهر ادامه كلام او فيديوهات عن اهمية الصلاة والمذاكرة وعن نماذج كويسة لشباب من سنه وعن العبر من موت الفجأة ومحدش ضامن عمره ف على الاقل نكون بنأدي الفرايض .. حاولو تستوعبوه وتظهرو محاسن الطريق ده بدل الانتقاد والامر والنهي بس .. الفترات دي بتحصل في حياة معظم الناس محدش بيفضل كامل من اول ما يتولد لحد ما يموت .. ربنا يهديه للخير ويهدينا جميعا :)
عموما مبحبش الاختبارات اللي بيفرض عليك اختيارين لازم تجاوب منهم .. اي حد ممكن يكون له رأي مختلف في الاجابة على اسئلة معينة .. وكمان مبحبش التعميم وتصنيف شخصيات البشر لتلات اربع اصناف .. الموضوع اكبر واعقد من كده بكتير وكل شخص واحد من 7 مليار شخص ع الارض فيه حاجات مميزة في شخصيته عن باقي البشر .. طبعا مستغرب ليه بوجع دماغك بالكلام ده كله .. اجابة سؤالك في الصورة اهي 😀
المفروض اللي بيدخل الامتحان كل سنة fractures ومذاكرة osce عناوين و enumeration بس من غير تفاصيل يعني متاخدش وقت.. مع تسجيل محاضرة المراجعة فيها نظام الامتحان وامثلة للأسئلة .. وربنا يستر في الامتحان بقى عشان قسم العظام متضايق من الراوند بتاعنا ..
النتيجه ظهرت ولا لسه يا دكتور 😎
لا لسة شوية
شغل يعني بالتوفيق منقصدش حاجه 😁
اه حاجة زي كده
طب الحمد لله 😂😂 ايه بقي الحاجات المهمه اي حاجه طيب ؟
ليه الاهتمام ده كله 😀 عادي حاجات شغال عليها في اوقات الفراغ عشان احس اني بستغله وبعمل حاجة مفيدة