مش هقدر أحدد مادة واحدة .. حبيت أناتومي - ميكرو - أنف وأذن - عيون - باطنة قلب ونيورو ولسة هنشوف الجراحات والنسا السنة دي
ربنا يوفقك و تلاقيها
ربنا يرزقنا جميعا باللي يحبنا ويسعدنا 😀
ناوى تخطب امتى يا دكتور
بعد فترة نقاهة وتفكير .. اقدر اقول ان عندي استعداد وأهلي كمان عايزني أخطب .. اللي ناقص بس العروسة 😂
هتجيب ورق عظام ايه ؟
لسة مش عارف والله .. الورق القديم بتاع عادل فتحي ووائل متولي ناقصين كتير ف هستنى أشوف الجديد
مبهج وفرفوش 🤔😂
بذمتك دى مواصفات هتلاقيها موجودة في كلية زى الطب كده
عادي موجودين في كل مكان بلاش العنصرية دي 😂
عايز شرط اللى ترتبط بيها تكون مثقفة وبتقرا كتب كل يوم ولا مش شرط
لا طبعا مش شرط .. اي حد بيكون محتاج شريك مبهج وفرفوش وجدع يهون عليه الدنيا ويشجعه 😀 مش محتاج مكتبة ولا موسوعة بشرية يتناقش معاها الجواز مش كده خالص
للأسف الكتب الوحيدة اللي ممكن أكملها للآخر الروايات لو شداني ، نعمل book club بقى مع الأصدقاء 😅 ، بالتوفيق
وماله في روايات كتير مسلية ومفيدة في نفس الوقت .. ربنا معاك انت والاصدقاء 😀
طب والله كويس ، فكرة حلوة ممكن نعملها 😅
فعلا دي الفكرة الوحيدة اللي ممكن تشجع على القراية بعد تجارب ومحاولات كتير
ماذا تقرأ 😄 ؟
عامل مع مجموعة من اصحابي حاجة زي book club بنقرأ كتاب كل أسبوع .. الأسبوع ده كتاب اسمه مائة سؤال عن الاسلام للشيخ محمد الغزالي
ماذا تفعل ؟
أقرأ وأتصفح الانترنت 😀
شكرا جزاك الله خيرا
العفو معملتش حاجة :)
طيب معلش وباثو .وميكرو .وبارا
المشكلة في حاجات كتير اتغيرت عن أيامنا وناس جديدة ظهرت الباثولوجي كان الحسين احسن واحد في الشرح ايامنا رغم انه مش من القسم الميكرو تحشيشات الصباغ .. وكنت بسمع لدكتور كمان من القصر العيني كان دماغه عالية اسمه د-مرعي بس ده عايز وقت البارا كنت مطنشها بصراحة وآخر السنة سمعت كام تسجيل لدكتورة اسمها عزة باين .. بس اعتقد هتلاقي مصادر احسن الايام دي
كنت بتسمع فارما لمين؟
شريف رفعت
اخر سؤال 😂
انت متوقع المجاميع هتنزل شوية ف سنة خامسة ولا هتفضل زي ما هيا؟
لا دي صعب اتوقعها .. بس غالبا نتيجة خامسة عندنا هتبقى اعلى من الدفعات اللي عدت على خامسة قبلنا
ناوي تذاكر منين جراحة؟
لسة بنسمع من الاكبر مننا ومش متفقين على مصدر واحد .. غالبا هيبقى عادل فتحي
نتيجة سنة خامسة متوقع تظر امتى؟؟
مجرد توقع يعني آخر الشهر ده في العشرينات
هي نتيجتكو بانت؟
ليه السؤال ده لسة بدري 😀
ايه هيا خططك ل ٢٠١٧؟؟
السنة دي عندي أسباب قوية عشان أفوق لنفسي.. وأحاول أكون أحسن من السنة اللي فاتت في نواحي كتير مشيت فيها غلط.. وأحاول أستعيد الروح والثقة .. وأحاول أعيشها راضي ومبسوط :)