أمثلة لكتب case senario و D.D ونجيبها منين وكده يبقى كتر خيرك 😂
فى سلسلة كتب مشهورة اسمها case files فى كل التخصصات .. وفى كتب Pre Test عجبتنى .. دول بس اللى شفتهم والأحسن تدخلو مكتبة الكلية وتدورو وتحكمو بنفسكم .. أو تسألو حد متخرج عنده خبرة أكبر
بص هوا يمكن يبقي سؤال تقليدى .. لو مش عاوز تجاوبة براحتك ! ..بس هو فعلا انته مبتفكرش في حد اطلاقا ولا حد شاغل بالك .. مفيش حتى اعجاب مثلا .. ولا كل الى حواليك مش شايف فيهم حد مميز للدرجه دى !!!!
بالعكس انت بتسمح بأسئلة و تفاصيل هنا على أسك و ظاهر عليه باستمرار غير الكلام الغريب اللى بتدخل فيه وممكن تكون بتكتب على فيس او تويتر كلام عام يعنى
ممكن كنت بسمح بتفاصيل زى ما بتقول فى فترات فاتت .. ويمكن كان لها أسباب ومبررات عندى بس مكنتش حاسب نتايج كده كويس .. بس اتعلمت وبقيت بحاول أتجنب كده خلاص
تمام فهمت وجهت نظرك :)
انت فعلا ممكن متكتبش عن التفاصيل اليوميه او الشخصيه بس ممكن تتفاعل مع كل من حواليك من زمايل ومتابعين و احداث يومية بدون انعزال اقصد يعنى !
هى مش وجهة نظر أو مبدأ ثابت واخده عن اللى بيستخدم السوشيال ميديا .. ده التفسير اللى جه فى بالى لما فكرت فى السبب الشخصى عندى انا بس .. انما كل واحد له طريقته فى الاستخدام وله أسبابه عادى وعموما انا بتفاعل على أرض الواقع كويس ومبسوط مفيش انعزال ولا حاجة :D بس لو لقيت حاجة تستحق التفاعل او الكتابة هبقى اعملها حاضر ان شاء الله
هو انت ليه مش
active
على الفيس وتويتر زى م انت
على الاسك كده ؟
سؤال جميل .. يمكن عشان بكسل أشغل دماغى فى التفكير فى حاجة أكتبها من نفسى عشان تعجب الناس يمكن عشان مبحبش أتكلم عن نفسى كتير وعن تفاصيل حياتى وجو السوشيال ميديا بتاع حب الظهور واللايكات والريتويت والكلام ده كله .. يمكن الفرق اللى بحسه فى أسك انه حد بيسأل عن حاجة وانا برد عليه مش بتكلم من نفسى ..
يعنى مش بنذاكر كل المواضيع للامتحان ؟
معلش ممكن تفهمنا اكتر نظام مذاكرتنا للامتحان ايه ؟
ماهو المفروض كل المواضيع اللى اتشرحت فى الراوند داخلة فى الامتحان case scenario بس لو مش هتلحقو تخلصوها هتركزو على المواضيع الأكثر أهمية واللى بتتكرر كتير ودى ممكن تبقى متجمعة فى مذكرات زى آدم .. مع نماذج امتحانات قديمة وخلاص بقى لا يكلف الله نفسا إلا وسعها :D
اسلام كنت اشتريت مذكرات ايه لامتحان الباطنه العامه و ذاكرت الكيسز منين ؟
من كتاب الكلينكال بتاع حسام غازى .. وذاكرت مواضيع ال case scenario من مذكرات الشرح عادى بس بتهيألى فى مذكرات تانية مختصرة يتذاكر منها زى آدم .. والله أعلم
دكتور لو عاوز استعير كتاب من مكتبة الكلية عشان اذاكر فيه المفروض اعمل ايه ؟
لو استعارة داخلية تذاكر فى الكتاب جوة المكتبة بتاخده بالكارنيه بس لو استعارة خارجية بتاخد ورقة ضمان من المكتبة وتخلى حد من عيلتك شغال فى أى مصلحة حكومية يمضيها وتعمل كارنيه فى المكتبة وبعد كده تقدر تستعير كتب وتاخدها معاك البيت
كل ده بيكون توفيق من ربنا لطريق مقدر يكون فيه الخير ليك أو لا.. بعد ما تعمل اللى عليك طبعا بالنسبة لى فعلا انا كل سنة بكون حاسس انى مقصر جدا ومش مدى الدراسة حقها زى ما بتمناه بس كله بييجى فى الآخر بفضل ربنا وتوفيقه لقدر معين .. مبعملش زيادة عن انى اكون متابع مع المنهج اللى بيتشرح طول السنة على أد ماقدر .. وكمان حاجات منه بتقع للأسف .. يعنى بمعدل ساعتين تلاتة يوميا بالكتير وفترة الامتحانات نتفرغ لكل مادة بقى ونخلصها مرة مذاكرة ومرة مراجعة .. مع القرب والاستعانة بربنا هييسرلك اللى فيه الخير ليك
لو حد كان عنده ظروف وابيض في الدراسة وامتحاناته الشهر الجاي وهو نفسه يرتب تنصحه يعمل ايه يا اسلام؟
ودى محتاجة كلام ؟ يبدأ يذاكر اللى فايته علطول ويخلى هدف الترتيب فى باله طول الوقت عشان يفضل عنده الحماس يظبط جدول للشهر بحيث كل يوم يخلص كمية معينة عشان فى المجمل يكون منظم وعارف هو ماشى ازاى واللى له واللى عليه فى كل مادة يجيب امتحانات السنين اللى فاتت من دلوقتى ويشوف الأسئلة اللى بتتكرر على كل موضوع يستعين بربنا بالصلاة والدعاء ويقرب له هيديه دعم نفسى ومعنوى جامد ربنا يوفقك