يعنى منحضرش محاضرات ميكرو غير اللى فيها MCQ ونذاكر مع نفسنا من تسجيلات د مرعى صح ؟
هتقولونى كلام ليه ؟ :D مقلتش متحضروش محاضرات دى المحاضرات أو الكورسات ميزتها التواصل المباشر .. احضر فى أول كل برانش لو عجبك الدكتور كمل معاه يعنى مثلا انا كان عجبنى دكتورين تقريبا من وسط عشرين دكتور دخلو لنا :D
واحد صاحبنا كان عاملنا عزومة واتجمعنا مع ناس صحابنا كتير مشفناهمش من زمان ----------------------------------------- كل يوم بتسألنى : ازيك ؟ وعملت ايه انهاردة ؟ ممكن أعرف غرضك ايه أو بتعمل كده ليه او انت مين طيب ؟ :D
لوحد عاوز يرتب السنادى في رابعه يعنى من وجهة نظرك يا دوك اسلام بما انك ما شاء الله يعنى ربنا يبارك المفروض يعمل ايه؟!
وجود الحافز والتفكير فيه بشكل مستمر طول السنة + المذاكرة والاجتهاد خاصة فى أيام الامتحان بشكل مضاعف + حسن المعاملة والتوكل على الله http://ask.fm/IslamReda1/answer/63866467756
ربنا يخليهملك .... لو نايمين و انت جعان مش هتاكل ؟ :D
هى دى المشكلة بقى .. بفتح التلاجة لو لقيت حاجة جاهزة او سريعة التحضير باكل لو ملقتش وعندى ميزانية كويسة بطلب أكل من برة .. غير كده بضطر أقعد زى البتاع لحد ما حد منهم يصحى .. أو أنا أنام :D
و مجربتش تعمله تاني ليه :D ؟ محدش يعني عرف يعمل البيض المقلي من اول مرة :D
فيه حاجات صعب تاخد القرار انك تواصل وتصمم على تعلمها غير لما تكون مضطر .. منها الطبخ بالنسبة لى طول ما والدتى واخواتى فى البيت -ربنا ميحرمناش منهم- هتعلم أطبخ ليه ! :D