تحدي
اكتب عشرين حقيقه عن نفسك مش كتير يعرفوهم عنك
وبعدين اختار شخص تتحداه
يا مسهل يارب .. يارب اجعلنا خفاف ع الناس :D1- فتحت السؤال ده وبدأت أجاوب فيه كذا مرة وزهقت وقفلته تانى :D2- مستغرب من جو التحديات اللى بقى موضة من بعد (تحدى دلو الثلج) :D كل شوية أشوف تحدى تكتب العشر أفلام المفضلة لا أكتر عشر لعيبة بتحبهم .. وبصراحة مش فاهم ايه التحدى فى كده .. مفهوم التحدى باظ خلاص3- مبحبش الأفورة والظياطة والتكرار فى أى حاجة .. بتخلينى أتخنق من الشخص المظياط والحاجة اللى بيظيط فيها حتى لو كنت بحبهم :D4- مبحبش لفظ (القمر) اللى بيتكرر فى الأسئلة هنا لنفس السبب الوارد فى نقطة رقم 35- اشتقتلها ونفسى أخطبها و أتجوزها رسميا فعلا وقلقان حد ياخدها قبلى .. بس مفيش فرصة انى آخد اى خطوة قبل السنة الجاية .. ف ربنا يستر بقى6- متفاهم مع نفسى ومتسق مع ذاتى .. بمعنى انى مبقعدش انتقد نفسى كتير ولا أفكر فى مواقف قديمة وأشغل بالى وأندم على كل تصرف .. اللى فات مات بالنسبة لى كفاية عليا أتعلم منه درس جديد وبعدين أرميه خلاص7- شخصية مستقلة وبحب أعتمد على نفسى سواء فى الأفكار أو الشغل والفلوس .. لدرجة انى عايز أشتغل من دلوقتى وأكسب فلوس عشان أجهز نفسى للجواز بنفسى 8- بمناسبة رقم 7 ف كان فيه مشروع شغل فى الدراسة وعرضته عليهم فى البيت بس قالو انه هيشغلنى عن المذاكرة وان شغلى دلوقتى طالب وعلم والكلام ده .. بس ربنا يسهل وأقنعهم أو أشوف مشروع غيره أوفر فى الوقت9- بكون رأى أولى وأحيانا ألقاب لمعظم الناس من أقل تعامل أو من معلومات بسيطة من بعيد .. وبحتفظ بمعظمها لنفسى طبعا :D10- لا أنبهر بالممثلات والمغنيات الأجنبيات حتى .. وشايف ان حوالينا جمال طبيعى أحسن منهم كتير11- ساعات بدمع من بعض المواقف المؤثرة فى الأفلام .. المواقف اللى بتحكى عن قصة كفاح ونجاح شخصى .. أو مواقف الظلم والألم النفسى بس عمرى ما دمعت عشان حاجة حصلت ليا شخصيا12- مش مهتم بمال ولا بسلطة .. أكبر فتنة عندى هى فتنة النساء أو الشهوة وبدعى ربنا يثبتنا ويرزقنا العفاف والحلال الطيب13- عمرى ما عاكست بنت وبكره الجو ده وبتألم عشانهم ولو شفت واحد بيمد ايده على بنت ممكن أمسك فيه .. يمكن أنا اللى اتعاكست كام مرة :D14- بيستفزنى جدا جو المسلسلات الكورى والروايات اللى مليانة رومانسية وشاعرية بشكل مبالغ فيه .. بلاش تضييع وقت وعيشو الواقع يا جماعة وعلى فكرة اخواتى من الناس اللى متابعين مسلسلات كورى طول الوقت ومش قادر عليهم :D15- بييجى فى دماغى حقايق كتير عنى منها ما هو محرج ومنها ما هو شخصى ف طبعا مش هشارك الفولورز بيها :D16- هكمل أحسن بأنى أفتكر مواقف مميزة فى حياتى من أول ابتدائى .. كنت بغنى فى حفلة مدرسية يوم عيد الأم وانا فى 3 ابتدائى أدام كل المدرسة بالمدرسين بأولياء الأمور بالضيوف كلهم :D والناس عجبها أدائى17- أحسن وأوحش تجربة فى نفس الوقت عشتها فى ايام اعدادى .. كانت مسابقة أوائل الطلبة على مستوى الادارة كنا فريق قوى وعاملين جو حلو وكنا لآخر لحظة فاكرين اننا اللى هنكسب .. بس مدرسة الهدى والنور اللى كسبت واحنا اعتبرناها ظلم وكوسة لعدة أسباب :D 18- فى ثانوى بقى اللى أقدر أقوله ان الشخص المحترم اللى قدامكم ده كان بيزوغ من المدرسة كل يوم تقريبا .. بس بخرج من البوابة باحترامى مكنتش أنط من ع السور :D19- بس الحقيقة انى نطيت من على الأسوار والبوابات كذا مرة .. كان معظمهم من كام سنة لما كنا نحب نلعب فى استاد الجامعة ومكنوش يرضو يدخلونا20- نسيت الحضانة .. الذكرى الوحيدة عنها ان أول يوم فى الحضانة اتخانقت مع واحد كان بلطجى الفصل .. وعورنا بعض والميس جت ضربتنا احنا الاتنين
كل حالات المرارة فى الجهاز الهضمى تقريبا بتتعمل بالطريقة دى شفت حالة سهلة خلصت فى 10 دقايق .. وحالات صعبة شوية بتبقى الحالة تخينة مثلا والمرارة صعب توصل لها .. ف بتاخد من نص ساعة لساعة
انا داخل تانية ثانوية مش عندى ثروة لغوية ف الانجليزى ,,, و الفرنساوى مذاكرتهوش من سنة اولى فهو كمان ضايع منى اعمل ايه ؟
حاول تعوض اللى فايتك السنة دى .. الفرنساوى ممكن تخلى حد يتابعك ويذاكر معاك القواعد المهمة اللى وقعت منك .. حد من اخواتك اصحابك أى حد .. وأعتقد تقدر تلمهم فى شهر بالكتير الانجليزى كده كده كل القواعد بتتكرر .. ف تتابع كويس السنة دى وتقرأ كلمات وتراجم وبراجرافات كتير .. ومتتكسفش تسأل عن أى حاجة مش عارفها السؤال ممكن يكون احراج لحظة .. انما الجهل ده احراج عمر كامل :)