بس صعب ان شخص يجمع صفات متناقضة كده بيبقي في حاجة غالبة علي شخصيته
مش حاسسها صفات متناقضة .. واعرف ناس عندهم الصفات دى متجمعة عادى وكل حاجة بتظهر فى وقتها زى ما قلت بحب الشخصيات المرنة اللى تقدر تتكيف مع معظم المواقف .. ومن تمام الحكمة وكمال العقل التصرف بشكل مناسب فى الوقت المناسب
وهو في بنت بتجمع الهدوء والسكن والشقاوة والعقل ف نفس الوقت ؟
باختلاف المواقف والضرورات فى كل موقف بيختلف رد الفعل... واكيد الاولوية للهدوء والسكن...ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ولكن لا مانع من بعض الشقاوة والدلع فى كثير من الاحيان :D والعقل هو اللى بيظبط الأوقات المناسبة للشقاوة دى .. مش حاسسها معضلة على فكرة
هو حضرتك بتكتفى بكتب الكلية فى الحصول على المعلومات الطبية ولا بتابع حاجات معينة ؟
لو عايز تزود عن المنهج الطبى بالذات فى مرحة الكلينكال .. شوف فيديوهات على يوتيوب بحيث متزهقش من كتب كتب كلام كلام دش أو تدور على كتب على شكل Cases فى كل مادة .. بتكون ممتعة هى كمان
مش هسألك مين القمر أو الكلام دا لكن أحب أعرف ايه اللى السبب اللى ممكن يخلى حد يقول هى دى اللى عاوز أكمل معاها؟
هو غالبا مش هيعرف .. لحد ما يتدبس :D الحقيقة بما ان قليل فى مجتمعنا يحصل تعامل بين الجنسين لدرجة تخليهم يفهمو شخصية بعض بالكامل .. ف الواحد بيشوف كذا صفة من بعيد تعجبه حسب اهتماماته .. وبعدين يقرر يتقدم ويدعى ان ربنا يكتبله الخير
غلط موضوع الميزة الواحدة ده .. يا فرحتى لما تكون عبقرية أو ملكة جمال وفى الآخر منتفاهمش او تنكد عليا الواحد بيتمنى بنت من لحم ودم (أو ملاك) مش بيتمنى مجرد ميزة تعجبه بيتمنى مجموعة صفات تكمل بعضها وتخليه يحبها ويتنازل عن صفات تانية كان نفسه فيها.. لأن مفيش بشر كامل شخصيا أتمنى كوكتيل من الدين والأخلاق والعقل والجمال وخفة الدم والروح الحلوة والشقاوة .. مع الهدوء والسكن والاستقرار النفسى..ومؤخرا اقتنعت انها لازم تكون بتحبنى مش مجرد جوازصالونات أو أكون انا بس اللى معجب بيها طلباتى بسيطة كالعادة :D
لأ مفصلش شحن بس الشاحن بتاعي بتاع الموبايل بطيء بالنسباله فبيشحنه ببطئ جدا جدا :/ ويعني ايه عارف تتحرك دي عيب عليك فرمته ووجبت معاه احلى توجيب ، وحطيت عليه خمس كتب وكام ابليكاشن كده وبتاع 100 صورة ولا حاجة :D