متخدش الموضوع بهزار :) _انا ببقى ناويه اني هشوف مصلحتي بس بيحصل العكس في الاخر_و بيتهيالي دي حاجه غصب عن الواحد اكيد مش قصدي اعجب بيه
مش قصدك فى الاعجاب ماشى.. انما المفروض يكون فيه تحكم فى التصرفات واستخدام للعقل اكتر من كده :) غير ان مفيش حاجة بايدك والمفروض الراجل هو اللى بياخد الخطوة.. بصراحة شايف موضوعك زايد عن حده جدا والمفروض يكون فيه وقفة تشوفى فيها ايه الاستفادة والضرر من حالتك دى وانتى مش هتعمليها تانى.. وتانى اتعلقى بربنا اكتر واطمنى ان نصيبك هيجيلك لحد عندك زكل المراهقة دى ملهاش لازمة
ازاي رغم انك معجب بواحده مبيبنش عليك قدامها_انا معجبه بواحد في دفعتي و كل ما اشوفه في الكليه غصب عني لازم افضل في نفس المكان لدرجة اني ممكن مروحش الكورس او حتى لو ورايا اي حاجه مهمه و طبعا بحس انو بيبان عليا و انا مش عايزه يبان عليا اعمل ايه ؟
فاكس محبش أقلبها تهزيق فى اللى بيسأل عشان مش عارف قصده ايه ومش فى دماغى طالما عارف انى مبعملش حاجة غلط.. ولما حسيت ان الموضوع زاد عن حده غصب عنى سمعت نصايح من ناس ومعدتش بجاوب على حاجة الا نادر
مش بحترم اى ولد يعطى مجال لاى حد انه يمدح او يذم فى بنت حتى لو كان معجب بيها بس
ومن البداية انت فتحت المجال لكدة زى ما تكون بتتسلى بكدة
عموما ربنا يهدى الكل
وانا اعطيت المجال لمين انه يمدح او يذم ؟ مش بتسلى ومعدتش بجاوب فى الموضوع خلاص..ربنا يهديك
ايه السبب فى تسمية القمر بالاسم ده ؟انت ولا اشتغالات ؟
والله انا فضلت فترة مستغرب ليه التركيز ع التسمية دى واتضايقت منها ومعدتش فاكر كانت ايه البداية.. لحد ما الوهيدى الله يمسيه بالخير فكرنى..طلع كان واخد برينت سكرين للاجابة اللى كانت البداية بدون قصد...وتوارثتها الأجيال :Dوكويس انك فكرتنى عشان اقول مش عايز اسمع الكلمة دى من حد تانى :D