بس الاحاديث دي مش فاكره اني درستها في اي منهج قبل كده ؟ انت حافظها منين ؟
الحياة خبرات وتجارب لها مصادر كتيير...مش واقفة ع المنهج الدراسى بس عندك قراءة كتب دينية-خطب الجمعة وأى دروس فى المساجد وهأكد تانى انى مش حافظها كلها ولا حاجة...بييجى فى دماغى فكرة أو معنى الحديث ولازم أجيب لفظه من ع النت عشان أتأكد انه صح :)
فضول يعني_عاوز اعرف طعمها ايه زي م جربت السجاير و الشيشه كده
يعنى هو فعلا حتة الممنوع مرغوب أعتقد ان ده فضول ضار مش هيفيدك..بالعكس ممكن غصب عنك يعلقك بالذنب اقفل الباب عليه من البداية عشان صعب تقفله لو مشيت فيه...
انا مستغرب من الأسئلة أوى على فكرة :D هو ده كله من باب الممنوع مرغوب ولا ايه ؟ ليه نجرب لحم الخنزير يعنى هى حبكت ؟ ما اللحم البقرى والفراخ والسمك حلوين :D وضيف على ده الكلام اللى قلته فى السؤال الماضى
و ال نفسه يجربها يعمل ايه ؟ :D
ويجربها ليه ؟ طالما هو مقتنع بدينه ودينه قال انها حرام والمفروض يتجنبها...يبقى المفروض يتجنبها :)
طه حسين كان شايف ان الشعر الجاهلي منحول ، يعني ناس جديدة كتبت شعر وقالت انه شعر جاهلي :D
يعني انا مثلا حابب اقول شعر غزل صحريح واشبب بواحدة وامدح الخمر اقوم اكتب قصيدة وانسبها لحد قديم عشان محدش يقولي انت ازاي تعمل كده
بس طبعا بتوع اللغة كلهم بهدلوه عشان رأيه ده
مليش انا دعوة بالكلام ده انت عارف مش خبرة فى الموضوع :D بس شوف القصيدة دى مثلا...فيها كذا بيت من الأغنية.. والموقع نفسه حلو فيه قصايد معظم شعراء العربية :) http://www.poetsgate.com/poem_76255.html
الشعراء زمان كانوا بيحبوا يكتبوا كلام خارج في الشعر ال بيكتبوه صح xD
على حسب العصر اللى هما فيه... يعنى هتلاقى المجون فى الكلمات والغزل الصريح كان منتشر أكتر فى العصر الجاهلى...وفى أواخر العصر العباسى بس أكيد قصدك بالسؤال على القصيدة بتاع (أصابك عشق) ودى كانت فى العصر الأموى تقريبا...كان قيس بيكتب لليلى على راحته ومزودها حبتين تلاتة :D
اليوم تقريبا خلص.. هتدرب شوية على تحسين خط النسخ...وتعلم الخط الديوانى هعمل خطط لتنظيم اللى هعمله فى باقى الأجازة..تنظيم الأوضة والمكتب وكل حاجة فى حياتى :) ولو فيه وقت هتفرج على فيلم :)