بلعب فى اكتر من فريق... فريق مع اسلام علاء وعمر حازم وزيزو .. الخ وفريق مع جيمى وناصر والموجى ..الخ وساعات لعب تفاريح مع الوهيدى وفوزى وشريف :D وساعات مع ناس تانية يعنى بيكلمونى على ماتشات كل فترةوبلعب قصاد مين دى متغيرة برضه على حسب الفريق اللى بلعب معاه
الاحراج ده حاجة مرتبطة بالخوف او القلق او على الأقل الاهتمام بكلام الناس.. لو مش حاطط فى دماغك الناس هتفكر فيك ازاى بعد اى موقف مش هتتحرج من حاجة وهتعيش حياتك مبسوط :) وغالبا مش هتلاقى حد مش مهتم او شايف منظرك وحش بالطريقة اللى انت نفسك هتكون بتفكر فيها لما تبقى محرج دى نصيحة كده لوجه الله :D المهم الاجابة انى اللى مش بحبه...مش حاسسنى كده غير فى اسلام
في حد في اخواتك قريب ليك عن التاني يعني اللي سرك معاها مثلا ولا كلهم زي بعض ؟
بحكم القرب فى السن أختى آية اللى أكبر منى سنة هى الأقرب ليا :)
wala 7aga?!
مش شايف فيها اى ضرر....لو شايف فيها حاجة نورنى !
اشمعنى كافيه لوكا لوكا ؟
انا بسأل نفس السؤال والله.. :D عن نفسى مش عاجبنى المكان اوى بعيد كده ومتطرف..بس الفكرة اننا بنكون اكتر من 10 ومعظمهم عايزين يروحو الكافيه ده...ف بيمشى رأى الأغلبية :)...والمهم اللمة مش المكان
بتذاكر احسن في المكتبه ولا البيت ؟
فى المكتبة خاصة لما تكون فاضية انما فى البيت بلاقى المغريات والحاجات اللى تضيع وقت كتير
والله اسلام بس كويسة يا جماعة :D عموما فيه ناس متعودة تقول على أى اسلام (سولوم) ف بتقولهالى..وناس متعودة تقول على أى اسلام (سمسم) وهكذا الموضوع ملوش علاقة بيا لو عليا مش عايز دلع خالص :D