انا للاسف مقدرتش ارتب ف اولى و تانيه فهل لو قدرت ارتب السنين اللي بعد كده اقدر اتعين ؟؟؟
الموضوع ده واقف على عوامل كتير زى مجموعك فى اولى وتانية...وزى انك مش عارف الناس اللى جايبين اكتر منك هيثبتو ويفضلو يجيبو اكتر منك ولا هينقصو السنين الجايةبس فيه أمثلة كتير لناس كان مجموعهم قليل فى اولى وتانية وقدرو يتعينو فى الجامعة لما شدو فى السنين اللى بعدها المشوار لسة طويل وممكن اى حد يوصل وغيره يقع....لسة تلات اربع المجموع التراكمى تقريبا ف انت فى كل الحالات تشد حيلك وتعمل اللى عليك وتحاول ترتب السنين الجاية...وربنا يوفقك وتحقق اللى تتمناه ان شاء الله :)
السؤال ده موجود من أول ما رحت المصيف .. كنت فاكر اختى اللى بتشتغلنى عشان كده مجاوبتش يلا معلش بقى السنة الجاية اخدك معايا :D
أنا في ثالته ثانوي ووقتي بيضيع بالعبيط ومش عارفه انظم وقتي
عايزه نصيحه
هو انا لو قلت انى لما كنت فى تالتة ثانوى كان وقتى بيضيع بنفس العبط ده اكيد محدش هيصدقنى ف ملوش لازمة :D الفكرة فى تنظيم الوقت للمذاكرة مش بتحديد عدد ساعات معين للمذاكرة...خليها بتحديد مواضيع معينة تتذاكر فى اليوم وانك تكونى ملتزمة قدام نفسك وواخداها مسئولية بالنسبة لك عشان تحققى الهدف اللى عايزاه وكل ما تذاكرى الموضوع فى يومه هياخد وقت أقل يعنى انتى خدتى انهارده درس كذا وكذا ترجعى تذاكريهم فى يومها مش هياخدو ساعتين تلاتة وبعدين المذاكرة لما يتطلب منك امتحانات مثلا...وهتلاقيكى ماشية زى الفل وهتخلصى المنهج من بدرى وتراجعوه مرتين تلاتة لحد ما يثبت..مفيش قلق خالص يعنىعلى فكرة 3 ثانوى سهلة جدا هى المشكلة فيها الضغط النفسى وانها هتحدد مستقبلك وكده...انما لو ع المذاكرة لو متابعة مع الدروس وبتحلى امتحانات وداخلة الامتحان من غير توتر هتجيبى المجموع اللى عايزاه..حتى لو عايزة تدخلى طب بعد الشر :D
الولاد تقبل اختك تتجوز واحد ف نفس اخلاقك و البنت تقبلى بواحد ف نفس اخلاق اخوكى؟
هقبل أكيد...وهكون مطمن عليها :)
كمْ مِن أفكَار داهمْتنا فى فتْرة صِبانا ..
ومِنها ما تحقَقْ .. ومِنها ما تلَاشت وتاهتْ فى وسَط الدروب !
ولكِن .. يظَل حُلم " جمْعية رِسَالة " له طابِع مُمَيز عنْ غيْره !
و بِمَا أنً .. مِن رحِم الصِعاب يولَد الابْطال ؛
نَشأت .. فكرَة انْوَار رِسَالة ..
ماذا تعرف عن نشأه رساله؟وابرز انشطتها؟
اللى أعرفه ان البداية كانت من محاضرة للدكتور شريف عبد العظيم فى جامعة القاهرة عن العمل الخيرى قام طلاب فى الفرقة التانية فى هندسة تقريبا اتشجعو انهم يعملو جمعية خيرية كل هدفها تطوعى خيرى بدون اغراض سياسية ولا ربحية وبدأت الفكرة وبدأ الحلم يتنف1 لحد ما جمعية رسالة وصلت للشكل اللى هى عليها دلوقتىالأنشطة كتير : اطعام وكساء للمحتاجين-رعاية للمسنين والمكفوفين-زيارات للأطفال المرضى-كفالة للأيتام والأطفال اللى بتبات فى الشوارع.....الخ الخ زوروها تجدو ما يسركم :)
هو لو حد بيحب حد بيبقي شايف انه فيه صفات كتير منه هل ده صحيح ؟
يعنى حاجة زى كده أو يمكن بيبقى عايز يشوف الصفات دى ومبيركزش فى باقى الحاجات اللى ممكن تكون متناقضة بينهم بيكون عايز يشوف الصفات الحلوة ومش بيظهرله الوحش..أو بيتجاهله
بتقضي يومك في الاجازه ازاي انا بزهق اوي و مش بلاقي حاجه اعملها
هى عموما كلها أسبوع ونرجع للدراسة تانى ويومك يتشغل وتلاقى حاجات كتير تعملها ويبقى يومك زى الفل :D حاول بقى تقضى الأسبوع ده بأحسن طريقة ممكنة عشان منرجعش نندم عليها عن نفسى هسافر مصيف استجمام كده وتغيير جو ومش راجع من هناك غير لما الدراسة تبدأممكن أقول شوية مقترحات تانية : قراية كتب فى موضوع يهمك لو لك فى الحاجات دى-كورسات ع النت لغة او كمبيوتر او تعليم كل حاجة موجودة للى عايز-تطوع فى جمعيات خيرية لو عايز تشغل وقتك بعمل خير...ولو خدت معاك اصحابك هتبقى مسلية فى نفس ذات الوقتدى كانت مقترحات مفيدة..نيجى بقى لمقترحات تانية للتسلية والعربدة بس :D اتفرج على أفلام-مسلسلات-فيديوهات-ماتشات....اخرج مع اصحابك بليل...العب رياضة...لعبة ع الكمبيوترولو عايزنى اقترح لك اسماء كتب-افلام-مسلسلات-كورسات قولى ايه المجال اللى بتحبه وانا معاك
عندى سؤال تانى .. هو انا بحب اما اذاكر اتابع باسئلة او اعرف شكل السؤال على الموضوع دا بيجي زاى وكده وفى اولى اما شوفت مذكرات الامتحانات فى الاخر قولت ياريت كانت معايا فى الاول.. الحاجات دى بتنزل فى بداية السنة؟؟ وفى اسئلة تانية اصلا غير امتحانات السنين الى فاتت؟؟
ممكن تكون موجودة من أول السنة اه فى المكتبات أو أضمن من كده..لو تعرف حد فى السنة اللى اكبر منك..انا مثلا مستعد اديك مذكرة الامتحانات على بداية السنة وأى مذكرات أسئلة تانية __________________ غير كده فيه اسرة الاضواء كانت بتنزل مذكرة اسئلة فى نص السنة تقريبا وهتلاقى برده المواد بتاعة تانية وعليها شرح وأطالس وأسئلة الخ...هتلاقيها بتتوزع على فلاشات..عندى برده لو عايزها وبالتوفيق ان شاء الله :)
بجد مكنتش بتاخد اولى وتانية؟ وماشاءالله ماشي كويس انا اصغر منك قولى طيب بتعمل ايه انا فى تانية وقررت مش هاخد فيها بعد مكنت باخد اولى يعنى قولى عنواين رئيسية للى المفروض تعمله وانت بدون كورسات ؟؟
بص يا سيدى.. أهم حاجة انك تكون أد المسئولية وتذاكر من نفسك من غير ما تحتاجك حد يمسكلك عصاية او يقولك فيه امتحان بكرةتذاكر أول بأول ولو حتى قراية بحيث متراكمش حاجة عليك...شوف ده http://ask.fm/IslamReda1/answer/63427972012لو فيه حاجات مش فاهمها متفوتهاش...اسأل فيها حد من زمايلك او دكاترة من المعيدين اللى لسة شباب..بيكونو متفاهمين جدا وبيفرحو لو حد جه سألهملما تفقد الأمل فى الشرح فى المحاضرات فى مادة معينة (وده اكيد هيحصل) دور على تسجيلات شرح لها بيكون موجود وكويسخليك حرك كده ودور على اى حاجة تساعد...مذكرات او تجميعات او امتحانات او فيديوهات الخ الخوبالتوفيق يا معلم :)