ايه ده كله :D قلت عندى فرح احضره ان شاء الله وعقبالك انت كمان مجبتش لبس العيد بصراحة العيد بنفقد معناه كل ما بنكبر سنة...لما كنت صغير العيد ده كان حكاية ولبس العيد بقى ومسدسات العيد ومرجيح العيد والعيدية والهدايا.....كان عيد بجد...انما دلوقتى ماعدتش بحس بالكلام ده ومش عارف ايه السبب مظاهر الفرحة بالعيد دلوقتى انك تلاقى المدن زحمة والمعاكسات والتحرش فى أعلى مستوياته وضيف على كده اللى بيخصل فى البلد اليومين دول...هنحس بالعيد ازاى بقى !!هشوف قرايبى اللى ماشفتهمش من زمان فى العيد ان شاء الله حد واحشنى مش هشوفه....اممم احتمال .. ماهو الواحد مش بيشوف كل الناس اللى نفسه يشوفهم :)
لا مزعلتش ولا حاجة...هو عشان معملتش ده ( :D ) يعنى ابقى زعلت ؟ وسعادتك بخير...وربنا يسعدك ويسعدنا كلنا ^ ^
هتصلي العيد فين بإذن الله يا داكطور :D ؟
هعمل نفسى ماشفتش اخر كلمة دى.... غالبا بصلى فى مسجد اعضاء هيئة التدريس أو السلاب...ربنا يسهل بقى
نقول بقا كل سنة وانت طيب ويارب العيد ده يكون احسن من اللي فات :) :D
ونقول بقى وسعادتك بخير....وربنا يسعدك :)
What is the first animal you would run to see if you went to the zoo?
Alex, the lion :D
كل سنه وانتم طيبين وعيد سعيد عليكم باذن الله
وانتم طيبين...وعليكم ان شاء الله
ايه اللي استفدته السنة دي عموما ؟؟ :D
السنة دى يعنى السنة الدراسية ... امممم :D شوية الحاجات اللى فهمتها من اللى ذاكرته وشوية ناس اتعرفت عليهم وشوية خبرات وتطور فى الشخصية من المواقف اللى بنتعرض لها
بس على فكره الشيبسى و غيره سبب رئيسى فى وجود الاورام فى مصر كلها حاجات مصنعه و زبالة الانتاج الخارجى زى شاشات الكمبيوتر كده
انا عارف ان فيه كلام كتير على الالوان الصناعية والمواد الحافظة بالذات لو أكلت منها كتير فعلا لها أضرااااار الفكرة بس انهم بيختارو نوع معين بس عشان يبررو بيه موقفهم...انما باقى الشيبسيات عادى :D
ما أطرف الشائعات التى سمعتها ...................؟؟
عايز الاشاعات الطريفة ؟؟ اللى بتضحك يعنى.....طاااايب اول اشاعة وانا طفل صغنتت عندى 4-5 سنين اوعى تضرب رقم 0000000000 ع التليفون عشان ده رقم الشيطان وفعلا فضلت سنة كاملة خايف اكتب الرقم ده مع انى متأكد انه هجص ولما ربنا كتب لى الشجاعة ورنيت ع الرقم فجأة لقيت الخط عمل وَش كأن حد هيتكلم قمت مرعوب وحطيت السماعة بسرعة وبعدها بفترة قررت أكمل واشوف اخرتها...وتوكلت على الله وضربت الرقم تانى لقيت الوَش ده عبارة عن رسالة مسجلة بتقول هذا الرقم غير موجود بالخدمة :D ____________________________________________________ اللى يلبس كوتشى بوكيمون هيجيله سرطان اللى يتفرج على بوكيمون كتير هيجيله سرطان لايز (ده كان نوع بطاطس احسن من شيبسى) اسرائيلى وبيجيب سرطان مش عارف السرطان كان منتشر الايام دى كده ليه :D ___________________________________________________ برسيل) اليهود عاملينه عشان يموتو المسلمين...حتى اقلب حروف الكلمة هتلاقيها ليس رب ___________________________________________________ وكان فيه حركة او اشاعة عملناها فى ناس اصحابنا من 5 سنين تقريبا وأقنعناهم انه لا يجوز الاستحمام من غير هدوم...لازم تكون لابس هدومك...وأقنعناهم بالأدلة المنطقية فعلا :D بجد هتكون صدمة لو عرفتم هما مين ... وهما نفسهم مش هينسو الليلة دى :d
طب ياعم الاولوية لنجاح فى اى مجال ؟ الجواز ولا الطب
الجواز طبعا لما تكون مستريح وسعيد فى بيتك ومفيش فيه مشاكل...كل ده هيساعدك ويشجعك للنجاح وخاصة لو الزوجة ايجابية كده ونشيطة وحركة ^ ^ والموضوع مش واقف عليك لوحدك..ده بينعكس على ولادك وتربيتهم ويجهزهم للنجاح هما كمان :)
لو فيه اختيار طبيب ناجح وزوج فاشل او طبيب فاشل وزوج ناجح تختار ايه ؟
واحط نفسى فى الموقف ده ليه اصلا... اللى بيسأل السؤال متخيل ان لازم حاجة فيهم تبقى على حساب التانية ان شاء الله طبيب ناجح وزوج ناجح...الاتنين مهمين جدا بالنسبة لى ولما يكون عندك طموح لهدف معين عايز تحققه لازم تفضل متمسك بيه ومصمم عليه مهما كانت الظروف :)
بجرب الكيبورد بس
براحتك يا باشا :D
:)
ايوة خير ؟ :D
ايه افضل الكنب و الروايات اللي قراتها ف حياتك ؟؟
مش عارف أنا مأخر اجابة السؤال ده ليه...مع انى جاوبته قبل كده كتير :) بالنسبة للروايات مفيش رواية كاملة قرأتها غير الخيميائى..عجبتنى جدا لحد الربع الأخير لما لقيت الكاتب بيسرح بينا..والرمل والرياح بيتكلم وحاجات عجيبة كده :D حول العالم فى 200 يوم جميلة جدااا جدااا.....نفسى يبقى فيه واحدة زيها بس مكتوبة فى 2013 بقى لأن اللى بيوصفه فيها ده بتاع السبعينات قرأت شوية فى مائة عام من العزلة...بس زهقت من اولها...وشجرة العيلة فى الرواية كانت صعبة شوية :D قرأت شوية من عزازيل .. الأسلوب روعة بصراحة .. بس حسيت كده انها ضلمة ومسفة شوية فى بعض المواقف :D ______________________________________ الكتب : حوار مع صديقى الملحد الرحيق المختوم المخبر الاقتصادى أطلس العالم...ده مش كتاب أوى بس انا بحب الجغرافيا من صغرى ^ ^ وفيه كتاب اسمه النظام الرأسمالى ومستقبله جاى لى هدية..لسة مقرأتوش بس شكله هيبقى حلو..ده مؤلفه حازم الببلاوى :D ..