لو قدامك شنطة فيها مليون دولار .. ماذا تفعل ف كل من الحالات الاتية :الاولى : مفيش عندك اى مشكلة عايش عادى جدا و الفلوس دى هتحقق لك رفاهية .. التانية : انت لقيت الفلوس دى و انت مديون بشيكات قيمتها نص ملوين دولار .. التالتة : ليك حد عزيز جدا جدا جدا و لا قدر الله مريض علاجه يتكلف المبلغ كله ..
اجابتى حاليا وانا قاعد فى بيتنا قدام اللاب ومفيش قدامى شنطة فيها مليون جنيه :D انى هسيب الشنطة أكيد عشان الفلوس دى مش من حقى وهتحاسب علي كل مليم صرفته منها....وجايز تكون ضايعة من صاحبها وبيدور عليها وهو محتاجها اكتر منى :) مش عارف بقى لو اتحطيت فى الموقف نفسه وبالذات فى الحالة التالتة ممكن أغير رأيى ولا ايه....بس ان شاء الله مش هغير رأيى ومش هرد دين ولا أعالج حد عزيز عليا بفلوس حرام :)
لو أن الحرب إندلعت في بلادك هل تختار الهجرة و الهرب . أم البقاء و التضحية بمصير مجهول النتائج... سؤال مسروق من الشيخ مطاوع :D :D :D بس اجابات واقعية من فضلكو
البقاء والتضحية بمصير مجهول النتائج.....عيب أجاوب بحاجة غير كده النتنبى بيقوللك : فإذا لم يكن من الموت بد.................................فمن العجز أن تموت جبانا يعنى مفيش حد يقدر يهرب من الموت..كل انسان أجله مكتوب من زمان..ف ليه أهاجر أو أهرب ومن لم يمت بالسيف مات بغيره..........................تعددت الأسباب والموت واحدأنا ممكن أهاجر عشان حاجة تانية .. عشان تعليم أحسن مثلا وارجع أفيد به بلدى....انما مش خوف وهرب :)
:DD ممكن بحس ساعات انك فيك صفة انتهازية واستغلالية لأى فرصة أو حاجة بتحبها (وده فى حد ذاته مش وحش)...بس بحس انها عندك زايدة شوية يعنى مثلا لو مصلحتك الشخصية تتعارض مع اصحابك يبقى (بدون تفكيير) يولعوجايز ده احساس غلط....فكر فى الكلام كده ورد عليا....وكنت أفضل انك تسألنى بينى وبينك :)
طيب و اما انت مدايق اوى كده منه عامل acc عليه ليه ؟؟
مش متضايق ولا حاجة....أنا عاجبنى الفكرة بتاع ال ask الموضوع كله زى ما قلت فى السؤال اللى فات وغير كده الواحد لما يبقى supernice الناس بتدخل فيه شمال..... فالواحد ينوع شوية كده وشوية كده...وانا اسف تانى انها جت فيك :)
film : (Shutter island) other suggestions : (pirates of the carribean-memento-the prestige-seven-a walk to remember-inception-dark knight-shawshank redemption-the Notebook-Sherlock holmes-3 idiots) Song : (إنسان ) other : (أجمل نساء الدنيا-ضحكة-مش عارف اتغير-انا عايش-ساعات بشتاق-فى خطوتك سكتى-وحاجات كتير أوى بصراحة ) Place : (مكة) other : (Inca city of machu picchu in peru-The Perito Moreno glacier in Argentina-sidney in Australia-an Island like Bora Bora or hawaii-the himalayas-rio de janeiro in Brazil-Paris_Frankfurt )
يعنى كل واحد بتتعلم منه خبرة وتجربة فى الحياة واحد تتعلم منه ان الحياة حلوة..واحد تحس معاه بالأمان..واحد يضحكك واحد تتعلم منه انك مش تثق فى كل الناس..واحد تعرف منه انك لازم تاخد حقك بايدك يعنى الحلو والوحش بيعلمك خبرات ازاى تتعامل فى حياتك لأن الدنيا ككل فيها الخير والشر
طالما عارف وجامد كده بتسأل ليه ؟ ماهو الغلط مش عليك الغلط ع الآسك اللى بيدى الفرصة لأى حد يقول أى حاجة تيجى فى باله وهو مستخبى !!
ايه رايك فى فصل السكاشن ؟ وفى حاجه معينه مزعلاك من ده :D
رأيى انه خطوة مش فاهم ايه التفسير بتاعها لحد دلوقتى......مش شايف انها ايجابية ولا سلبية وبمعنى تانى مش فارقة ...ومعظم الناس هيكون رأيها كده.....وهى دى الفكرة اللى تخلى العميد مطمن ان مفيش حد هيعترض على القرار ده فى طب....لان لو حد اتكلم هيكون الرد وانت عايز ولاد أو بنات معاك فى السكشن ليه.....هو ده التثبيت الصح :Dوموضوع ان حاجة معينة مزعلانى شخصيا ده مايخصكش أيا كنت :D