امتحانات ساتة قديم صعبة عندكو فعلا ؟ اصل بتوع عين شمس بيقولو متوسطة ومش مستاهلة الافورة دي كلها
امتحان الورقة الأولى كان صعب جايب أسئلة على مواضيع ملهاش أهمية ودايما بتتلغى وامتحان الام سي كيو كان صعب فعلا .. بغض النظر عن يستاهل ولا لأ بس الموضوع حصل في لحظة واحدة والناس جايبة آخرها وعموما بتوع عين شمس دول بيذاكرو من كتب غير بتاعتنا .. والمصريين دايما بيحبو يزايدو على بعض علطول
الواحد بس معدش واثق في نفسه..
شكرا يا إسلام ربنا يوفقك ويطمنك
لا مكنش شوية امتحانات تقلل ثقتنا من نفسنا .. احنا نعمل اللي قدراتنا تسمح بيه واللي متعودين عليه وربنا يكرمنا للأحسن
مكنش امتحان نسا اللي يعمل فينا كده لا 😂 ذاكروا malpresentation من السامري و كفايه عليه كده يا جماعه
خلاص اتحلت أهي :D
الوافدين والحروف الاخيرة بتبدأ راوند ايه بساتة
وغيابه عامل ازاى؟ ممكن اخد كل غيابي فاول الدراسة واحجز طيران متأخر شوي
المجموعة الأخيرة بدأت عندنا براوند نسا والغياب فيها أعتقد كان كويس ومحدش اتحرم غير اللي محضرش ولا يوم انت تسافر وتتأخر شوي شويتين تلاتة على راحة راحتك واحنا نبعتلك ناس تاخد غيابك كمان :D
دكتور هي عيادات انف وأذن فين في الجامعه و فيها قياسات السمع و التستات دي ولا ايه ؟
المكان تدخل من بوابة العيادات الخارجية بتاع جيهان .. هتلاقيها على اليمين قبل بوابة مستشفى الأورام بشوية
امتحانك الجاي امتي ؟
يوم 24
هو ايه المهم في جزء malpresentation او ايه اللي جه منه قبل كده ؟
ما تبصو على الامتحانات بنفسكم أسهل ..
الواحد مش مصدق انه خلص خامسه ولسه حي عقبالكو انتو كمان والله
كفارة يا جماعة ألف مبروك والله 😀
هو في حساب ال gestational age ليه بنحسب من اول يوم في ال LNMP مع ان ال تخصيب لسه فاضله اسبوعين ؟
مدة الحمل الفعلية حوالي ٣٨ أسبوع .. ده من يوم التخصيب زي ما بتقول لحد يوم الولادة لكن يوم التخصيب ده مش هنعرف نحدده بالظبط.. فبنسأل عن أول يوم في آخر دورة ودي حاجة ثابتة الست الحامل عارفاها ونقدر نحسب على أساسها.. وكده بقت مدة الحمل الطبيعية ٤٠ أسبوع من أول يوم في آخر دورة لحد الولادة
Do you think your parents picked the right first name for you?
سألتهم مرة ليه سموني إسلام .. ردو ببساطة أن الاسم كان موجود حواليهم في الفترة دي كتير وعجبهم .. والرد ده أحبطني بصراحة كنت عايز قصة شيقة أكتر 😀
خلاص مش مهم هي حاجة مش هيعرفها غير حد بيتعامل معاه فترة على الأقل تسلم يا باشا
العفو
تمام شكرا ربنا معاك
لو في حاجةمهمة ممكن أعرفلك يعني سهلة 😀
هنا
أعرفه شكلا بس معرفش عنه حاجة شخصية للأسف
عاوز اسأل ع حد بس من غير م تظهر السؤال ينفع ؟
اتفضل
ادعيلى بظهر الغيب
ربنا يسعدك ويحققلك اللي بتتمناه
مش هتنزل الكلية تانى خلاص ؟
رجعت أنام وأصحى متأخر فصعب عليا أنزل ..
عملوا ايه في الطلبة اللي اسماؤهم نزلت يروحوا يقابلوا لجنة تقصي الحقائق دي؟
سمعو لشوية منهم كشهود عن الأحداث اللي حصلت وعن صعوبة الامتحان .. ووجهو اتهامات لشوية منهم عشان يسمعو ردهم عليها .. وخلصو مهمتهم على كده .. لسة مفيش قرارات بس المفروض من كلام الدكاترة أنهم عايزين يعدو الموضوع بهدوء يعني