يقول جبران خليل جبران : وَما السَّعادَةُ في الدنيا سِوى شبَحٍ ، يُـرجى فَإِن صارَ جِسماً ملّهُ البَشَرُ..كَالنهرِ يَركُضُ نحوَ السَّهل مُكتَدِحاً ، حَتّى إِذا جاءَهُ يبطي وَيَعتَكِرُ. هل تتفق\ي معه ؟ او السؤال بطريقة تانية ايه تعريفك للسعادة بإستفاضة إن أمكن ؟ وامتا اقول الشخص ده سعيد وده غير سعيد ؟
مفيش حاجه اسمها تعريف السعاده السعاده ملهاش وقت ولا شكل ولا سبب معين انت سعيد ولا حزين تقدر تقول اكيد مش هتقدر ممكن يحصل اكتر من حدث في الساعه الواحده يكون فيهم حاجه تبسطك وفي الوقت تحصل حاجه تنكد عليك الاهم من كل ده ومن كل حاجه ان تكون علاقتك بربنا كويسه هي دي السعاده غير كده شكليات
من اكبر المعوقات للبنات بالنسبه لكلية هندسه ;
هتتخرجي مش هتلاقي شغل وهتقعدي ف البيت بعد م تطلع عينك ف الدراسه ..!
مدى صحة الكلام ده ي هندسه ؟
واسمك جميل خالص 🙊🎈
شكرا يا رحاب علي ذوقك الجميل 😍 وبعدين ليه الاحباط ده انا اه طلعت عيني في الدراسه ولسه هتطلع عيني بعد الدراسه لان هندسة محتاجة بحث و مذاكرة باستمرار بس مين قالك اني مش هلاقي شغل الرزق علي الله اكيد هتعب في الاول بس باذن الله هلاقي ادعيلي
نجحتى ازاى فى الهندسه !!!!!!
ايه كمية علامات التعجب دي دي كليه ومجال بيدرس مش متاهة مستحيل تخرج منها علشان تنجح في هندسة لازم تذاكر وتجتهد في دراستك بس علشان هي كليه عملية فمحتاجة جهد كبير شوية في انك تبحث كتييير في مجالك ويكون عندك خلفية عن باقي اقسام الكلية علشان كل الاقسام متداخله في بعضها وكمان لو هتدخل عماره فمبرووووك عليك مش هتقدر تنام تاني في حياتك 😅😅 واللاب هو صديقك الصدوق واهم حاجه تاخد كل كورسات البرامج واي كورس تاني هيفيدك في مجالك
الشيء اللامع بيجذب الأنظار ، كذلك الغرب الأجنبي لامع بتقدمه العلمي والتكنولوجي والإقتصادي ، احنا في الوطن العربي بنستقبل أي شيء من الغرب بحكم إنه متقدم ، فهل ممكن مع الوقت نستقبل أفكارهم المنحرفة ، كالمناداة بزواج المثليين والعلاقات الغير شرعية ، ولا بلادنا قوية دينيا وإجتماعيا لتواجه أي فكر منحرف؟
يعني ابدأ بايه الاول والدي صرف عليا كتير ومكسوفة اطلب منه فلوس تاني
لو اشتغلت الاول هيكون احسن ولا ادرس؟ معلش ازعجتك معايا تسلمي 🌸
بالنسبة لموضوع الماديات ده معرفش ظروف فيه ايه فلو والدك هيقدر يتكفل بمصاريف الدراسه ابداي علي طول مطوليش علشان بعد كده مسؤليات الحياة هتخليكي تأجلي وبالنسبة للشغل دوري لو ربنا كرمك بوظيفة كويسه في ظروف البلد الصعبه دي وكان عندك وقت اشتغلي وادرسي اه الموضوع هيكون صعب بس باذن الله انتي قدها واسألي براحتك ولا يهمك 😸😸
اخد رايك في حاجة انا في كلية تربية ودي كانت اخر سنة ليا اعمل دبلومة واكمل للماجستير ولا اشتغل مٌدرسة واخد كورس ماث علشان لو حصل اشتغل في مدرسة لغات انا محتارة ومش عارفة افكر
اولا الف مبروك التخرج ثانيا ليه تخيري نفسك ما بين الشغل وانك تكملي الدراسه اعملي الاتنين انك تكملي دراسة دي حاجه جميله جدا وكمان هتخلي فرصك للشغل اكتر وهترفع من مستوي معرفتك ولو قدرتي تكملي للدكتوراه ودرجه الاستاذ كمان يبقا كويس وربنا يكرمك وتكوني عميدة الكليه او رئيسة قسم 😻😻 خلي طموحك عالي وكمان خدي كل الكورسات اللي ممكن تساعدك في مجالك ومتخافيش هتلاقي وقت لكل ده ربنا يكرمك
ده الكنز الخاص بي ❤ و تراث الصفحة بتاعتي و مجهود ما يقرب من 4 سنوات .. تقدر تعتبره مكتبة مرجعية تتصفحها وقتما شئت و تأخذ منها ما تريد ^^ " https://ask.fm/MohamedRedaOsman/answers/141547133231 " هيفوتك كتير لو مدخلتش .. رزقنا و اياكم الاخلاص فى القول و العمل و جعل هذا العمل في ميزان حسناتي و حسناتكم
هل من الخطأ إن الإنسان يتمنى أحلام وآمال أكبر من مستواه الإجتماعي والفكرى والمادي ويعيش معاها بتخيله وذهنه ؟ ولا ده حافز يحفزه إنه يجتهد أكتر ويبذل مجهود أكبر ؟ ..
في عصر أي كتاب تقدر تحصل عليه وإن معرفتش ممكن توصله pdf وكمان يوجد الكتب الإلكترونية e- book ، رغم كل ده مش كل الشباب بتقرأ وكمان الشباب اللي بتقرأ أغلب قرائتها بتكون كتب وروايات ونسبة قليلة بتقرأ كتب دينية (عقيدة ، تفسير ، فقه) في رأيك ايه سبب عزوف نسبة كبيرة من الشباب القاريء عن القراءة الدينية ؟
انا بالنسبالي الروايات زي المسلسلات معظمها هابط وبعيد عن الواقع فاللي بقرأ الروايات مش بيقرأ اي حاجه تانيه او ممكن مجالات تانيه بس بنسبه قليله اما بالنسبة للكتب الدينية فزيها زي باقي العبادات محتاجه مجاهده علشان الشخص يواظب عليها ويقدر ينفذ الكلام وفي الوطن العربي نسبة قليله جدا جدا هي اللي بتقرأ وبتحاول تتثقف