كل Dp أروع من اللي قبلها ما شاء الله، ستايلك ف اللبس حلو جداً، ردودك وطريقة تفكيرك عاقلة، بحس مجالك صعب جداً ومش أي حد ينفع فيه بس انتي باين عليكي حبّاه ربنا يوفقك ويكرمك دايماً 🙏🏻
مفيش احلي من إن ربنا يعوضك عن كل اللي فات ف شخص مايزهقش منك ويفهمك ويفضل جمبك يواسيك ف اكتر وقت بتكون لوحدك فيه ويكون ليك سند بجد ويحاول يفرحك ويخاف على زعلك عوض ربنا لما يجيلك ف شخص بيبقي راحة ليك طول حياتك
ماجاتش عليك صحيح😂😂 أخويا وصاحبي من واحنا ف اللفة بدون مبالغة، متربيين مع بعض ومن صغرنا سوا ف كل حاجة تقريباً سواء ف بيت العيلة ولا المدارس ولا لعب الكورة وغيرهم كتير، فاهمك وعارف دماغك يمكن أكتر منك انت شخصياً، جدع وصاحب صاحبك وماحدش يقصدك ف حاجة إلا ويلاقيك راشق معاه، قلبك أبيض ومابتشيلش ولا بتعرف تخاصم او تزعل من حد، تستاهل كل خير وتستاهل كل فرحة تجيلك لان عمرك ما جيت على حد ولا أذيت حد -إلا ف لعب الكورة طبعاً😂- ، ربنا يديمنا اخوات وسند لبعض طول العمر يالاااا ♥️♥️
شخصية لطيفة وذوق لأبعد الحدود، تعاملك حلو مع الناس هنا، محترمة جداً وماشوفتش منك لفظ او حاجة مش تمام عندك، بحسك أكبر من سنك كتفكير وكشكل، روحك حلوة وبتهزري وبتاع، مااعتقدش حد ممكن يحتاجك ف حاجة وتتأخري عليه لو ف استطاعتك يعني، ليكي دماغك وتفكيرك ومابتحبيش تصدّعي نفسك بنقاشات ورغي ع الفاضي، ربنا يقوّيكي ويكرمك ف كليتك وما بعدها، ويش يو جود لاك جداً 🙏🏻💙
لو واحد كان بيجيب في سيرتي في الجامعة وبيغلط فيا مع اني معملتش له حاجة اصلا وانا طنشت كل الكلام اللي اتقال اصلا ولا كأنه سمعته وبعد كده جيه يتقدملي وبابا موافق عليه جداا هل انا ممكن اثق فيه بعد اللي عمله واللي قاله ده ولا مش هينفع وقالي أنه عمل كده لأنه بيحبني وكان عايز يتكلم معايا بأي طريقة