لو تصحي بيوم ع خبر خطبة شخص بتحبيه و المفروض هو كمان بحبك
شو المفروض تحس/ي؟!
و في داعي للعتاب؟؟
تعبت من التفكير بالموضوع 💔😪
علما اني ما راجعته ولا حكيتله اشي بس بلكته من كل مكان
افك البلوك و ابهدله ولا فش داعي ؟
ما بعرف اش تصرفتي لأنو السؤال صرلو أسبوع بس ان شاء الله ما تكوني عملتي أي شي لأنو رح يكسر قلبك قبل ما يأثر فيه.. لا تخدعي حالك وتقولي بحبني وعأساس ومن هالحكي.. لأنو ما بحبك واصحي عحالك أعطيكي طريقة تخفف عنك.. روحي طلعي من بعيد ع أمك وأبوكي شوفين بيستاهلوا يخجلوا فيكي ! اللي ربوكي كل هالعمر ما مشان بالأخير تبعتي لواحد ما عاطيكي قيمة وتكسري نفسك الو لما بتضعفي قومي غسلي وجهك وفكري بعقلك عيشي وجعك لحالك ولا تكسري كبريائك لأنو اش ما بعتيلو هلأ انت ولا شي وصار عندو شريكة حياة رسمية شيلي البلوك.. ولا كأني هو موجود.. لا تفكري لسى بدك تحطيه ولا تشيليه هي فترة صعبة بالأول وبتمرق الحياة ما موقفة عحدا ومتل ما كنت عايشة قبلو بتكملي هلأ طلعي وعيشي حياتك وانبسطي ورجعي لأهلك ورفقاتك والله بالأيام بيبعتلك حدا يقدر هالقلب ♡
مرحبا
لو سمحتوا أنا حياتي بانحدار شديد ما بوقف كل يوم بتسوء أكتر كل يوم بصير إشي بوجع أكتر.. يعني بحكي وبدعي إنه ياا رب خلص تعبت يعني ربنا بعرف قديش تعبت بهالحياة ومش قابلة أموت كل يوم بحكي خلص أكيد اليوم ربنا بياخد أمانته نفسي أرتاح ، يمكن موتي ما فيه خير بس أنا مش قادرة أصبر أكتر
بتعرفي اشو من زمان عديت بفترة كنت كتير تعبانة ف لجأت ل ماما لاحكيلا كلشي قالتلي جملة (لولو صلي بترتاحي) كانت نقطة تحول بحياتي يوما بتعرفي شقد ارتحت وتقربت من ربي ادعي الله يخفف عن قلبك والله ييسر الأمور.. الله ما رح يستجبلك لأنك عم تدعي عحالك في أبشع من هيك ! مو ادام كل مشكلة منمر فيا بدنا ندعي الله ياخدنا ! الحياة كلا هيك.. شي فرح شي حزن يوم بتلاقي كلشي عم يتيسر ويوم بتلاقي ما عم يظبط شي معك ربنا قال (إن مع العسر يسرا.. فإن مع العسر يسرا) ال (فاء) هون ليأكدلك عاليسر اللي جاية وكررا مرتين ♥ وقلنا (استعينوا بالصبر والصلاة إن الله مع الصابرين) ف اصبري.. تحملي.. ادعي.. واستغفري ربك عن كلشي ورح تجيكي أيام تنسيكي كل هالعذاب والتعب والله يريح بالك ياا رب مين ما كنت رح ادعيلك
قبل اسبوعين خطيبتي حكت لي بنفسها شغلة وانا رحت جبتلها
لما وصلت بيتهم استحيت اسلم وافوت على دار عمي من الحياء لا اكثر ولا اقل واني كنت لحالي وبليل
فتركت الشغلة جوا حوش بيتهم وحكيت لخطيبتي اني تركتلها الشغلة وتنزل توخذها وانا رحت
من هداك اليوم وانا مش مرتاح وبحس اهل خطيبتي بغكروني بشوفها بالسر
شو الحل
هي يعني مو حلوة منك بعدين هاي عيلتك التانية ما بدا كل هالقد كان فيك تسلم عالقليلة وتروح يعني ما ضروري تعمل سهرة :3
صرلنا من 3 شهور ( بداية الفصل التاني ) ما اجتمعنا كلنا بنفس البيت.. كل حدا بمكان.. بجامعة.. بمحافظة.. هلأ بعطلة الفحص نزلت أنا وأخوي ع حلب ورجعنا للدفا ♡ و اجت نانتي من الشام بدا تقضي رمضان معنا.. قررت انا واخواتي التنتين انو ننام بنفس الغرفة امبارحة وعنفس التخت.. بتصدقوا ماما طول الليل ما نامت وهي عم تتأملنا ! شقد فرحانة بولادا اللي اجتمعوا بحضنا من جديد ♥ شقد الأم عظييمة ♥ الله يخلي أمهات الكل يااااا رب ♥♥♥